काठमाडौँ । सुनको बिस्कुट आकारको सुन जस्तो देखिने पहेंलो धातु देखाई बिल नभएको र रकमको एकदमै आवश्यक परेको भनि ललाई फकाई उक्त सुन जस्तो देखिने धातु दिई गरी रु.१४ लाख रुपैयाँ ठगी गरेको आरोपमा एकजनालाई प्रहरीले पक्राउ गरेको छ ।
पक्राउ पर्नेमा जिल्ला सिन्धुली, हरिहरपुरगढी गाउँपालिका ७ घर भएको वर्ष ३८ को विजय लामा मोक्तान भन्ने धन बिर वाईबा रहेको छन् ।
पीडितले दिएको निवेदनका आधारमा अनुसन्धान तथा खोजतलास गर्दा जिल्ला काठमाडौँ, टोखा नगरपालिका ९ शिवमन्दिरस्थित रहेको एक होटलको कोठाबाट वाइबालाई पक्राउ गरेको हो ।
प्रहरीले वाइबाले झोला भित्र लुकाई छिपाई गरी राखेको पहेँलो रङको बिष्कुट आकारको ५ सय ४७ दशमलब ६९० ग्रामको सुन जस्तो देखिने पहेँलो धातु, बिल थान १, चेकबुक थान १, राहदानी थान १, मोबाइल थान ३, सुनको मुन्द्रा थान १ र नगद रु.१ हजार २० रुपैयाँ बरामद गरेको छ ।
पक्राउ परेका वाइबालाई काठमाडौँ जिल्ला अदालतबाट दिन ५ को म्याद थप अनुमति लिइ प्रहरी वृत्त थानकोटबाट थप अनुसन्धान भइरहेको जिल्ला प्रहरी परिसर काठमाडौँका प्रवक्ता पवन कुमार भट्टराइले जानकारी दिएका छन् ।
