खिमराज चालिसे (भारत)
भारतको हनुमानगढमा छ वर्षपहिला कोरोना महामारीको समयमा अलपत्र भनी प्रशासनद्धारा शब जलाइसकिएता पनि तिनै मीनबहादुर पान्डेको पहिचान गरी मूल प्रवाह अखिल भारत नेपाली एकता समाजले आफन्तलाई मृत्यु प्रमाणपत्रसमेत निशुल्क दिलाएको छ।
हामीलाई मूल प्रवाहका महासचिव त्रिभुवन भट्टराईले दिएको जानकारी अनुसार भारतको चंडीगढ़बाट २०२० मा कोरोना महामारीको समयमा निधन भएका प्युठान जिल्लाको प्युठान नगर पालिका दम्ती निवासी मीनबहादुर पाण्को असामायिक निधन पछि प्रशासनले आफन्त फेला पार्न नसकेपछि लावारिस लासको रुपमा दाहसंस्कार गरेको थियो।
करिव ६ वर्षपछि खोजी तलासीको क्रममा भारतको चन्डिगढबाट आफन्तहरू ईमा पान्डे, सरस्वती पान्डे हनुमानगढ चुङ्गिमा पुगेका रहेछन।
त्यहाँ प्रशासनबाट कुरा नसुनेपछि भारतीय नागरिकको सहयोगमा मूल प्रवाहका पूर्व नगर अध्यक्ष मोहन रसालीसँग पुगेका थिए।
त्यहाँ मूल प्रवाहका नेतालाई आफुलाई सहयोग गर्न आग्रह गरेको आधारमा थानामा पुगि मूल प्रवाहको पहलमा मृतकको सम्पूर्ण विवरण थानामा पत्ता लगाएर मृत्यु प्रमाणपत्रसमेत निशुल्क उपलब्ध गराएको हो।
मूल प्रवाहद्वारा गरिएको उक्त कार्य प्रति मृतकका आफन्तह ईमा पान्डे, सरस्वती पान्डेले खुसी व्यक्त गर्दै समाजलाई धन्यवाद ज्ञापन गरेका हुन।
