पूर्व सांसद तथा नेकपाका नेता बर्मन बुढाको निधन भएको छ । रोल्पा थवाङ निवासी बुढाको ९० वर्षको उमेरमा बुधबार निधन भएको हो ।
Advertisement
एक वर्ष अघिदेखि जन्डिसको बिरामी रहेका उहाँको पाटन अस्पतालमा उपचारका क्रममा निधन भएको नेकपाले जनाएको छ ।
उहाँ २०४८ सालको निर्वाचनमा जनमोर्चा नेपालको तर्फबाट रोल्पा निर्वाचन क्षेत्र नम्बर १ बाट विजयी हुनुभएको थियो । त्यतिबेला जनमोर्चाका नौजना सांसद निर्वाचित भएका थिए । जसमा बुढा पनि एक हुनुहुन्थ्यो ।
