बाग्लुङ । ‘समृद्ध राष्ट्र निर्माणका लागि जिवनोपयोगी शिक्षा, स्वास्थ्य र खेलकुदमा लगानी’ भन्ने उद्देश्यका साथ गलकोट समाज जापानले आयोजना गरेको नयाँ वर्ष सांगितिक श्रृङ्खला २०२५–०२६ को उद्देश्य अनुसार समाजद्धारा आयोजित छात्रवृत्ति अक्षयकोष हस्तान्तरण तथा स्थापना कार्यक्रम ताराखोमा सम्पन्न भएको छ ।

कार्यक्रममा गलकोट समाज जापानका अध्यक्ष रत्नसिंह बस्नेतले गलकोट र ताराखोला पालिकागत रुपमा छुट्टै रहेता पनि भौगोलिक, जातिगत हिसाबले एउटै रहेको बताउँदै आगामी दिनहरूमा पनि दुई पालिकाहरूलाई विशेष रुपमा सहयोग गर्ने बताए ।

बस्नेतले यस संस्थाले शिक्षाका क्षेत्रमा मात्रै नभई विगतदेखि नै भुकम्प पिडीत, बाढि पिडीत र स्वास्थ्य लगायतका विभिन्न क्षेत्रहरूमा सक्रिय रुपमा सहयोग गर्दै आईरहेको बताए ।

गलकोट र ताराखोलाका १९ वटा सामुदायिक माध्यमिक विद्यालयहरूमा अक्षयकोष स्थापना गर्ने लक्ष्य अनुसार आज ताराखोला गाउँपालिका अन्तर्गत हरि माध्यमिक विद्यालय ताराखोला गाउँपालिका ३ हिल, अर्गल माध्यमिक विद्यालय ताराखोला गाउँपालिका २ अर्गल, जनप्रेम माध्यमिक विद्यालय ताराखोला गाउँपालिका १ भुस्कात, दुर्गा भवानी माध्यमिक विद्यालय ताराखोला गाउँपालिका ५ ताराखोला, प्रजातन्त्र विकास माध्यमिक विद्यालय ताराखोला गाउँपालिका १ माझखर्कमा पुगी गलकोट समाजका पदाधिकारीहरूद्धारा प्रत्येक विद्यालमा ५ लाखका दरले रकम हस्तान्तरण गरिएको हो ।