बेंगलोर दक्षिण । मूल प्रवाह अखिल भारत नेपाली एकता समाज बेंगलोर दक्षिण नगर समिति अन्तर्गत महिला नगर विभागको आयोजनामा अन्तर्राष्ट्रिय श्रमिक महिला दिवस मनाइएको छ ।
कार्यक्रम नगर समितिका सदस्य कल्पना एरीको सञ्चालन र नगर महिला बिभाग संयोजक राजु देवी विकको अध्यक्षताबाट अगाडि बढेको थियो ।
कार्यक्रममा मूल प्रवाह केन्द्रीय सदस्य नरेश कुमार विक, दक्षिण भारत क्षेत्रीय उपाध्यक्ष दसरथ विक, सदस्य रमेशराम विक, क्षेत्रीय महिला बिभागका सदस्य पार्वती विक, नगर अध्यक्ष बलराम कोली, रक्तिम क्षेत्रीय बिभागका सदस्य तथा नगर सहसचिव रामराज पौडेल, नगर सचिव तथा समता नगर बिभागका संयोजक दान बहादुर पहरीको आथित्यता रहेको थियो ।
नगर समितिका सदस्य माया कोलीले उपस्थित सम्पूर्णलाई शब्दबाट र गीतबाट रक्तिम विभागका कलाकारहरूले स्वागत गरेका थिए ।
प्रमुख अतिथि नरेश कुमार विकले शुभकामना व्यक्त गर्दै अन्तर्राष्ट्रिय नारी दिवसको बारेमा प्रकाश पार्नुभएको थियो ।
