हिसार । मूल प्रवाह अखिल भारत नेपाली एकता समाज महिला नगर विभाग हिसारको आयोजनामा आज आईतवार ८ मार्च २०२६ को ११६औँ अन्तर्राष्ट्रिय श्रमिक महिला दिवस भव्य एवं सभ्य रूपमा सम्पन्न भएको छ ।
उक्त कार्यक्रममा नगर समितिका चन्द्र प्रकास गैरेले अन्तर्राष्ट्रिय श्रमिक महिला दिवशको महत्वबारे प्रकाश पार्नु भएको थियो ।
कार्यक्रममा शुभकामना दिनेहरूमा अन्य वक्ताहरूमा मूल प्रवाह क्षेत्रीय समितिबाट लाल बहादुर चुदाली, महिला क्षेत्रीय समितिबाट कमला बगाले, नगर समितिबाट रामु शर्मा, नन्द बहादुर लम्तरी सांस्कृतिक विभागदेखि दिपा लम्तरी, प्रतिमा देवकोटा लगायतले शुभकामना दिनु भएको थियो ।
कार्यक्रम महिला विभागकी संयोजक दुर्गा ज्ञवालीको अध्यक्षता तथा कमला खरेलको सञ्चालनमा सम्पन्न भएको थियो र स्वागत चन्द्रा सोमरेले गर्नु भएको थियो । उक्त कार्यक्रममा सांस्कृतिक बिभागद्वारा स्वागत गित प्रस्तुत गरिएको थियो ।
