काठमाडौँ । राष्ट्रिय जनमोर्चाका उम्मेदवारहरू गणेश आचार्य, रामकुमार क्षेत्री, तारा थापाक्षेत्री र पशुपति ढकालले मतदान गर्नुभएको छ ।
२०८२ फागुन २१ गते बिहीबार आआफ्नो जिल्लास्थित मतदान केन्द्रमा पुगी उहाँहरू सबैले मतदान गर्नुभएको हो ।
राजमो केन्द्रीय सदस्य तथा दाङ निर्वाचन क्षेत्र नं. १ का उम्मेदवार गणेश आचार्यले पहिलो नम्बरमै मतदान गर्नुभएको छ । उहाँले राप्ती गाउँपालिका–३ श्रीचौरस्थित मतदान केन्द्रबाट मतदान गर्नुभएको हो ।
राजमो केन्द्रीय सदस्य तथा गुल्मी निर्वाचन क्षेत्र नं. १ का उम्मेदवार रामकुमार क्षेत्री र राजमो केन्द्रीय सदस्य तथा लुम्बिनी प्रदेशसभाकी सांसद तारा थापाक्षेत्रीले पनि मतदान गर्नुभएको छ । कालीगण्डकी–५ फोक्सिङस्थित जनकल्याण मावि मतदान केन्दमा पुगेर बिहानै ७ बजे उहाँहरू दुवैले मतदान गर्नुभएको हो ।
अर्घाखाँची निर्वाचन क्षेत्रबाट राजमो उम्मेदवार पशुपति ढकालले पनि मतदान गर्नुभएको छ । उहाँले सन्धिखर्क नगरपालिका–१ स्थित टुँडिखेल मतदान केन्द्रमा पुगी मतदान गर्नुभएको हो ।
