खलङ्गा । प्युठानमा राष्ट्रिय स्वतन्त्र पार्टी (रास्वपा) को चुनाव प्रचार गर्दै हिँडिरहेको गाडीले ठक्कर दिँदा चार जना घाइते भएका छन् ।
२०८२ फागुन १६ गते शनिबार रास्वपाको प्रचार गाडीले एउटा मोटरसाइकल र एउटा स्कुटरलाई ठक्कर दिएको हो ।
दुवै दुई पाङ्ग्रे मोटरसाइकल र स्कुटरमा दुई/दुई जना यात्री सवार थिए ।
मोटरसाइकल चालक प्युठान नगरपालिका–५ जुम्रीकाँडाका २० वर्षीय जीवन विश्वकर्मा र मोटरसाइकलमा पछाडि बसेका सोही ठाउँ निवासी २१ वर्षीय रेशम खड्का साथै स्कुटर चालक लमही नगरपालिका–६ देउपुर दाङ बस्ने वर्ष २६ का दीपक पोख्रेल र उनकी श्रीमती वर्ष २५ कि सुजता भण्डारी घाइते भएका छन् ।
लु१ च७७६९ नम्बरको पिकअप जिपले मोटरसाइकल र स्कुटरलाई ठक्कर दिँदा दुर्घटना भएको बताइएको छ ।
प्युठान नगरपालिका बाग्दुलानजिकै सो दुर्घटना भएको हो । घाइतेको जिल्ला अस्पताल खलङ्गामा उपचार भइरहेको छ ।
