चन्द्रा श्रीस, काठमाडौँ ।
ललितपुर–३ र भक्तपुर–१ मा राष्ट्रिय जनमोर्चाको प्रचार कार्यक्रम सम्पन्न भएको छ ।
दुवै जिल्लाका उम्मेदवारसहितको टोलीले २०८२ फागुन १५ गते शुक्रबार प्रचारात्मक कार्यक्रम सम्पन्न गरेको हो ।
प्रचार कार्यक्रममा ललितपुर–३ का उम्मेदवार नीलगोविन्द महर्जन, भक्तपुर–१ ईश्वरीप्रसाद पैयानीसँगै नेकपा (मसाल) का प्रवक्ता रामप्रकाश पुरी, राजमो केन्द्रीय सदस्य सुधा शर्मा, राजमो केन्द्रीय सल्लाहकार आनन्द शर्मा, अखिल नेपाल जनजाति सम्मेलनका अध्यक्ष निमबहादुर बुढाथोकी, अखिल नेपाल कानुन व्यवसायी सङ्घ (अन्ला) का अध्यक्ष अधिवक्ता पदम रोका, अखिल नेपाल बुद्धिजीवी सङ्घका अध्यक्ष प्राडा श्रीधर गौतम, अखिल नेपाल टे«ड युनियन महासङ्घ (अन्टुक) का महासचिव धनपति सापकोटा, प्रगतिशील पत्रकार सङ्घ बागमती प्रदेशका गोविन्द शर्मा, अखिल नेपाल महिला सङ्घ काठमाडौँकी विष्णु ओलीलगायत सहभागी हुनुहुन्थ्यो ।
प्रचारटोलीले ललितपुरको हरिसिद्धिबाट प्रचार सुरु गरेको थियो । सो स्थानमा सम्पन्न कोणसभामा उम्मेदवार महर्जनले मन्तव्य राख्नुभएको थियो । उक्त टोली ठैब, बाडेगाउँ, सातदोबाटोलगायतका क्षेत्र हुँदै भक्तपुरमा प्रवेश गरेको थियो ।
भक्तपुरमा उक्त टोलीले सरस्वतीखेल, कैलाशनगर, दुवाकोट, कमलविनायक, बाँसघारी, बागेश्वरी, खरिपाटी, छालिङ, झौखेललगायतका स्थानमा प्रचार गरेको थियो ।
टोलीले माइकिङ, घरदैलो, जनभेटघाट, पर्चा वितरणलगायतका कार्यक्रम सम्पन्न भएको थियो ।
