वीरेन्द्रनगर । फागुन २१ मा हुने प्रतिनिधिसभा सदस्य निर्वाचनमा सुरक्षाका दृष्टिकोणले कर्णालीका तीन सय ५९ ओटा मतदानस्थल अति संवेदनशील रहेको पाइएको छ ।
कर्णाली प्रदेश प्रहरी कार्यालय सुर्खेतका प्रमुख प्रहरी नायब महानिरीक्षक जयराज सापकोटाले प्रदेशका १० जिल्लामा तीन सय ५९ ओटा मतदानस्थल अतिसंवेदनशील, चार सय २२ ओटा संवेदनशील र एक सय ६० ओटा सामान्य रहेको जानकारी दिनुभयो ।
प्रदेशमा रहेका नौ सय ४१ ओटा स्थायी र १८ ओटा अस्थायी गरेर नौ सय ५९ ओटा मतदानस्थल रहेका छन् । यहाँ एक हजार चार सय ५५ ओटा मतदान केन्द्रमध्ये सुरक्षाका हिसाबले चार सय ४६ ओटा मतदान केन्द्र अतिसंवेदनशील रहेका छन् । संवेदनशीलमा छ सय ९७ र सामान्य अवस्थाका दुई ८४ ओटा मतदान केन्द्र रहेका छन् ।
एउटा मात्र केन्द्र भएको स्थलको सङ्ख्या कर्णालीमा पाँच सय २५, दुई केन्द्र भएका तीन सय ५३, तीन केन्द्र भएको स्थल ४९, चार केन्द्र भएको स्थलको सङ्ख्या १२, पाँच केन्द्र भएको स्थलको सङ्ख्या एक, छ केन्द्र भएको स्थल एक रहेको छ । एक केन्द्र भएको अस्थायी स्थलको सङ्ख्या १८, थप मतदान केन्द्रको सङ्ख्या चार सय ९६ रहेका छन् ।
कर्णालीमा १२ ओटा प्रतिनिधिसभा सदस्य निर्वाचन क्षेत्र रहेका छन् । सुर्खेत र दैलेखमा दुई/दुई ओटा र अन्य आठ जिल्लामा एक/एक ओटा निर्वाचन क्षेत्र छन् ।
प्रदेशमा कुल मतदाना सङ्ख्या १० लाख तीन हजार सात सय १८ वडा रहेको कर्णालीमा ५४ ओटा गाउँपालिका र २५ ओटा नगरपालिका रहेका छन् ।
