काठमाडौँ । फागुन २१ गते हुने प्रतिनिधिसभा सदस्य निर्वाचनका लागि कञ्चनपुर–१ मा प्रचारप्रसारसँगै फागुन १६ गते जुलुस निकालिने भएको छ ।
कञ्चनपुरमा फागुन ४ गतेदेखि सुरु भएको खुल्ला प्रचारप्रसामार उम्मेदवार राजाराम चौधरीको नेतृत्वमा चलिरहेको हो ।
निर्वाचनका लागि क्षेत्र नं. १ का नगरपालिका र गाउँपालिकामा बाजागाजासहित घरदैलो गरेको टोली अहिले भने घरदैलोमै व्यस्त रहेकोे चौधरीले युगदर्शनलाई जानकारी दिनुभयो ।
प्रचारप्रसार गर्ने क्रममा कैयाँ ठाउँ कोणसभा र सभा गर्दै अगाडि बढेको टोली पर्चापम्प्लेट र घोषणापत्र वितरण गरेको चौधरीको भनाइ छ ।
घरदैलोको क्रममा लालझाडी, पुनर्बास हुँदै सो निर्वाचन क्षेत्रका सबै नगरपालिका र गाउँपालिकामा राजमो पुगेको उम्मेदवार चौधरीले जानकारी दिनुभयो ।
कार्यक्रमा अखिल नेपाल किसान महासङ्घ (अप्फा) का केन्द्रीय सदस्य राजकुमार चौधरी, तराई मधेस जनवादी मोर्चाका केन्द्रीय सदस्य रङ्गबहादुर चौधरी, अप्फाकै सुदूरपश्चिम प्रदेश सदस्य बिन्तीराम चौधरी, राजमो नेताहरू रामलाल चौधरी, मुक्तिराम बस्नेत, रूपसिंह चोधरी, पर्शुराम चौधरी, बिर्जकुमार चौधरी, वीरेन्द्र हमाल, अन्तराम चौधरी, फालुराम चौधरी, गोपाल चौधरी र प्रकाश चौधरीलगायतको सहभागिता रहेको छ ।
कार्यक्रम फागनु १८ गतेसम्म चल्ने उम्मेदवार राजमोले बताउनुभयो ।
