काठमाडौँ । दार्चुलामा राष्ट्रिय जनमोर्चाको छ ओटा चुनावी टोली जनताको घरघरमा पुगेको छ ।

‘गणतन्त्र र राष्ट्रियताको रक्षा गरौँ ! सङ्घीयता खारेज गरौँ !’ भन्ने मूल नाराका साथ आगामी फागुन २१ गते हुने प्रतिनिधिसभा सदस्य निर्वाचनका लागि उम्मेदवार बिर्खराम पन्तसहितको टोली जनताको घरघरमा पुगेको हो ।

फागुन ४ गतेदेखि सुरु भएको प्रचारप्रसार कार्यक्रम घरदैलो, पर्चापम्प्लेट, घोषणापत्र र भिजिटिङ कार्ड वितरण गरेको उम्मेदवार पन्तले युगदर्शनलाई जानकारी दिनुभयो ।

पन्तका अनुसार प्रचारप्रसारमा राजमो जिल्ला अध्यक्ष मनवीर दमाई, जिल्ला समितिका मोहन कुँवर, जनकबहादुर कुँवरलगायतको सहभागिता रहेको छ ।

घरदैलो कार्यक्रम फागुन १८ गतेसम्म नै सञ्चालन हुने उहाँले जानकारी दिनुभयो ।