तौलिहवा । कपिलवस्तु–३ मा राष्ट्रिय जनमोर्चाको चुनाव प्रचारप्रसार, जनभेटघाट कार्यक्रम उत्साहजनक प्रकारले अगाडि बढिरहेको छ ।
२०८२ फागुन ९ गते सो क्षेत्रको कृष्णनगर–११ को झिघा र विजयनगर–३ को जगदीशपुरलगायतका क्षेत्रमा प्रचारप्रसार कार्यक्रम अगाडि बढेको हो ।
सो क्षेत्रमा सम्पन्न कोणसभालाई प्रतिनिधिसभा सदस्य उम्मेम्दवार केरसिंह अदैले आफ्नो परिचय दिँदै चुनावी प्रतिबद्धता व्यक्त गर्नुभएको थियो ।
उहाँले राष्ट्र बचाउन राजमोको चुनाव चिह्न गिलासमा मतदान गर्न अपिल गर्दै सङ्घीयता खारेज गर्नसमेत अपिल गर्नुभयो ।
कार्यक्रममा अखिल नेपाल बुद्धिजीवी सङ्घ कपिलवस्तुका जिल्ला सदस्य छन्दबहादुर केसीले देशको तात्कालिक राजनीतिक परिस्थितिबारे प्रकाश पार्नुभएको थियो ।
दुवै ठाउँका कार्यक्रमको सञ्चालन राजमो कोषाध्यक्ष तथा कपिलवस्तु क्षेत्र नं. ३ प्रचारप्रसार समिति संयोजक केहरसिंह पुनमगरले गर्नुभएको थियो ।
त्यसैगरी आजै विजयनगर–५ को देवीपुर, वडा नं. ७ को झुलानिया, मधुनगर वडा नं. ४ को देउपुरामा घरदैलो, जनभेटघाट, पर्चापम्प्लेट, पोस्टरिङ कार्यक्रम सम्पन्न भएको छ ।
कपिलवस्तु–३ मा चारओटा पालिका रहेका छन् । राजमो उम्मेदवार केरसिंह अदैले शिवराज–११, विजयनगर–७ र कृष्णनगर नगरपालिका, महाराजगञ्ज नगरपालिका केही वडामा प्रचारप्रसार कार्यक्रम सम्पन्न भएको थियो ।
