नयाँ दिल्ली । मूल प्रवाह अखिल भारत नेपाली एकता समाज नयाँ दिल्ली नगर समितिको आयोजनामा नेपालमा आगामी फागुन २१ गते हुन गइरहेको प्रतिनिधिसभा निर्वाचन लक्षित भेला सम्पन्न भएको छ ।
चुनावमा राष्ट्रिय जनमोर्चाका उमेदवारहरूलाई विजयी गराउन मूल प्रवाह आखिर भारत नेपाली एकता समाज नयाँ दिल्ली नगर समितिले आर्थिक, नैतिक एवं भौतिक रुपमा सहयोग गर्ने भएको छ ।
समितिका सदस्य पदम भुजेलको अध्यक्षता र समितिका सहसचिव विनोद रायमाझको सञ्चालनबाट अघि बढेको सो कार्यक्रममा केन्द्रीय सदस्य शिव केसीको प्रमुख आतिथ्यता रहेको थियो । त्यस्तै केन्द्रीय समितिका सल्लाहकार बिन बहादुर कुँवर, क्षेत्रीय समिति महिला विभागकी संयोजक लक्ष्मी खडायत, क्षेत्रीय समिति महिला विभागकी विष्णु रायमाझीले अतिथि आसनग्रहण गर्नुभएको थियो । भेलामा सहभागिरूलाई बलराम परियारले स्वागत गर्नुभएको थितयो ।
भेलामा मस्जिदमोड टोल समितिकी अध्यक्ष गीता आचार्य र मध्य दिल्ली एरियाकी सहसचिव हिमा भण्डारी, पूर्वी दक्षिण दिल्ली एरिया समितिका अध्यक्ष निरज पुन, महिला विभागकी सदस्य मनकला भुसाल, जानका भट्टराई, पूर्वी दक्षिण दिल्ली एरिया समितिकी कोषाध्यक्ष रोमा खनाल, मिनबहादुर कुँवरले पनि मन्तव्य दिनुभएको थियो ।
