प्युठान । राष्ट्रिय जनमोर्चाका उम्मेदवार तिलकबहादुर जिसीले जिल्लाका सम्पूर्ण पालिकाका मतदाताहरूलाई भेटघाट गरिसक्नु भएको प्रचार विभागका सुभास जिसीले युगदर्शनलाई जानकारी दिनुभएको छ ।
जिसीको अनुसार हालसम्म स्वर्गद्वारी नगरपालिका, प्युठान नगरपालिका, मल्लरानी गाउँपालिका, गौमुखी गाउँपालिका, ऐरावती गाउँपालिका, माण्डवी गाउँपालिका, सरुमारानी गाउँपालिकामा उम्मेद्वार तिलक बहादुर जिसी पगिसक्नुभएको छ । आजसाँझसम्म नौवहिनी गाउँपालिकाका सम्पूर्ण वडाहरूमा पुग्ने कार्यक्रम रहेको सुभास जिसीले जानकारी दिनुभयो ।
हालसम्म स्वर्गद्वारी नपाको एउटा, प्युठान नपाको दुईवटा वर्डा, मल्लरानीको एउटा वडा, ऐरावतीको एउटा र सरुमारानीको तीनवटा वडामा उम्मेदवार जिसी छिट्टै पुग्ने कार्यक्रम रहेको छ ।
सुभास जिसीले दिनुभएको जानकारी अनुसार सम्पूर्ण पालिकाहरूले आ–आफ्ना टोली निर्माण गरि वडा तथा टोलहरूमा परिचालन गर्ने कार्यक्रम शुरु भैसकेको छ ।
सम्पूर्ण पालिकाबाट राष्ट्रिय जनमोर्चाको चुनाव चिन्ह गिलासमा अत्याधिक मत आउनेमा आफु विश्वस्त रहेको उम्मेद्वार तिलक जिसीले बताउनुभयो । कार्यकर्ता तथा आम मतदातामा अत्यन्तै उत्साहका साथ चुनाव सम्पन्न गर्न लागि परेको र राष्ट्रिय जनमोर्चाको चुनाव चिन्हमा मतदान गर्ने उम्मेद्वार जिसीले बताउनु भयो ।
