काठमाडौँ । चितवन वासी महिला मतदाताहरूको भोटले नै रवीले जित्ने गरेता पनि सबैभन्दा धेरै महिला सम्बन्धित घटनाहरू घट्ने गरेको राष्ट्रिय जनमोर्चा चितवन निर्वाचन क्षेत्र नं १ का उम्मेद्वार सिता क्षेत्रीले बताइन् ।
क्षेत्रीले युगदर्शन अनलाइनसँग भएको कुराकानीका दौरानमा चितवनमा किसान, सुकुम्बासी, स्वास्थ्य, विद्यालय, महिला लगायतका समस्यालाई अत्याधिक रहेको बताए ।
‘जसमध्य किसानको समस्या मुख्य छ, उनीहरूले विउमल समयमा पाइरहेका छैनन् ।’ क्षेत्री अगाडि भने– ‘किसानहरूले तरकारी उत्पादन गर्दछन् तर बजार नपाउँदा उत्पादित तरकारीहरू नै नष्टगरि अर्को खेती गर्नुपर्ने वाध्यता उनीहरूलाई छ ।’
नेपालका ७७ वटै जिल्लाका मानिसहरू चितवनमा बासोबास गर्ने गरेको तर महिलाहरूका घटनाहरू धेरै नै घटिरहेको क्षेत्रीले बताए । ‘जसका छोराछोरीहरू विदेशमा रहेका छन् उनीहरू नै अत्याधिक असुरक्षित छन् ।’ सिता क्षेत्रीले अगाडि भने– ‘उनीहरूका घरको ढोका नै फोरेर, हत्या गरि लुटपाट हुने गरेका घटनाहरू पनि छन् । बलात्कार गर्नेसम्मका अपराधिक घटनाहरू भइरहेका छन् ।’
स्वास्थ्यमा धेरै नै दलाली र भ्रष्टाचार भइरहेको क्षेत्रीले बताए । यसप्रकारका समस्याबाट चितवनवासी जनताहरू आजित भएको क्षेत्रीको बुझाई छ ।
त्यस्तै क्षेत्रीले शिक्षामा पनि चितवनमा भ्रष्टाचार भइरहेका बताइन् । ‘सरकारी स्कुलमा पनि पैसा दिन सक्ने र नसक्नेहरू बीच भेदभाव गरिरहेको छ ।’ क्षेत्रीले अगाडि भने– ‘जोसँग पैसा छैन त्यस्ता व्यक्तिका सन्तानहरूले राम्रो शिक्षा पाउनबाट बञ्चित छन् ।’
विस २०१८ सालमा राप्तीबाट लखटिएर आएका सुकुम्बासीहरूको अवस्था पनि अत्यन्तै दयनीय भएको सिता क्षेत्रीले प्रत्येक्ष आफूले देखिरहेको बताइन् । ‘उनीहरूले अझैसम्म पनि लालपुर्जा नपाउँदा समस्याग्रस्त छन् ।’
