चंडीगढ । भारतको चंडीगढमा मूल प्रवाह अखिल भारत नेपाली एकता समाजका केन्द्रीय अध्यक्ष एवं राजमोको तर्फबाट प्रतिनिधिसभा सदस्यका लागि समानुपातिक उम्मेद्वार प्रेम पौडेललाई आईतवार फरवरी १५, २०२६ का दिन सम्मान गरिएको छ ।
प्रमुख अतिथि अध्यक्ष पौडेलले सो अबसरमा बोल्दै देश साम्राज्यवादीहरूको क्रिडास्थल बनेको बताउँदै मूल प्रवाहका प्रत्येक कार्यकर्ताहरू साम्राज्यवादी शक्ति विरुद्ध गिलास चिन्हमा मतदान गर्न स्वदेश जानुपर्ने धारणा राख्नु भयो ।
अध्यक्ष पौडेलले कार्यकर्ताहरूले सधै विषम परिस्थितिमा अझै सक्रियता पुर्वक कार्य क्षेत्रमा लाग्नु पर्ने विचार व्यक्त गर्नु भएको थियो ।
मूल प्रवाहका केन्द्रीय सचिवालय सदस्य दिनेश खड्काले पनि मन्तव्य दिनुभएको थियो ।
नेता पौडललाई नगर अध्यक्ष मान बहादुर केसी, क्षेत्रीय सदस्य जुना भण्डारी चालिसे र केन्द्रीय सचिवालय सदस्य दिनेश खडकाले अविर माला लगाएर सम्मान गर्नु भएको थियो ।
कार्यक्रममा मूल प्रवाहका केन्द्रीय सदस्य खिमराज चालिसे, सुदुर पश्चिमोत्तर क्षेत्रीय सहसचिव तेज बहादुर रोका, सांस्कृतिक विभागका केन्द्रीय सदस्य बिनु नेपाली, केन्द्रीय परिषद सदस्य थमन थापा लगाएतको आतिथ्यता रहेको थियो।
कार्यक्रम नगर सचिव थानेश्वर पाण्डेको सञ्चालनमा तथा नगर अध्यक्ष मान बहादुर केसीको अध्यक्षतामा सम्पन्न भएको थियो ।
