काठमाडौँ । राष्ट्रिय जनमोर्चा केन्द्रीय सदस्य नारायण जिसीको निधनप्रति केन्द्रीय समितिले श्रद्धाञ्जली अर्पण गरेको छ । पार्टी अध्यक्ष चित्र बहादुर केसीले एक वक्तव्यमार्फत श्रद्धाञ्जली अर्पण गर्नुभएको हो ।
जिसीको निधनबाट संगठनलाई अपुरणीय क्षति पुग्न गएको केसीले बताउनु भएको छ ।
‘झिम्रुक गाउँपालिका–७, प्युठान निवासी कामरेड नारायण जिसीको २०८२ फागुन १ गते ललितपुरस्थित हस्पिस नेपाल केयर सेन्टरमा निधन भएको छ । हामीले उहाँको निधनप्रति गहिरो दुःख व्यक्त गर्दै उहाँकी जीवनसाथी अखिल नेपाल महिला संघ केन्द्रीय सचिव तारा जिसीसहित सन्तप्त परिवारजनप्रति हार्दिक समवेदना व्यक्त गर्दछौँ ।
कामरेड नारायण जिसी हाम्रो पार्टी राष्ट्रिय जनमोर्चाको केन्द्रीय सदस्य हुनुहुन्थ्यो । उहाँले भारतस्थित नेपालीहरूको संगठन मूलप्रवाह अखिल भारत नेपाली एकता समाजका विभिन्न तहमा रहेर पनि काम गर्नुभएको थियो । कामरेड नारायण जिसीको मृत्युबाट हाम्रो पार्टी संगठनलाई अपुरणीय क्षति पुग्न गएको छ ।
अन्तमा हामीले उहाँप्रति हार्दिक श्रद्धाञ्जली अर्पण गर्दै सन्तप्त परिवारजनप्रति हार्दिक समवेदना व्यक्त गर्दछौँ ।’
