कपिलवस्तु, तौलिहवा । कपिलवस्तु जिल्ला क्षेत्र नं ३ को चन्द्रौटामा राष्ट्रिय जनमोर्चाको चुनाव प्रचारप्रसार सम्पर्क कार्यालय स्थापना गरिएको छ ।
माघ २८ गते राष्ट्रिय जनमोर्चा जिल्ला अध्यक्ष रामप्रसाद बेल्वासेले रिबन काटेर उद्घाटन गर्नुभएको थियो । उद्घाटन मन्तव्य दिंदै राष्ट्रिय जनमोर्चा स्वच्छ छविका कारण आज जनतामा स्थापित भएको बताउँदै निर्भिकताका साथ जनतामा भोट माग्न जानुपर्ने बताउनु भयो ।
कार्यक्रममा राष्ट्रिय जनमोर्चाका जिल्ला सचिव तथा प्रतिनिधिसभा सदस्य निर्वाचन क्षेत्र नं ३ का उम्मेद्वार केरसिंह अदैले २७ बुँदे चुनावी प्रतिबद्धता सार्वजनिक गर्नुभएको थियो ।
राष्ट्रियता गणतन्त्रको रक्षा संघीयता खारेज, कृषि, पशुपालन, बजारीकरण, मजदुर किसानका समस्या, यातायात, सिंचाई, विकास निर्माण, पर्यटन, विकास, शिक्षा, स्वास्थ्य, महिला, दलित, जनजाति, आदिवासी, मुस्लिम जातिका हकअधिकार सुकुम्बासी समस्या समाधान, युवाहरूमा बढ्दै गइरहेको निराशा पलायनलाई रोकथाम, सहकारी पीडितका समस्याहरू समाधान, उक्त प्रतिवेदनमा उल्लेख छन्, कार्यक्रममा जातीय समता समाजका केन्द्रीय सदस्य रामबहादुर विक, समानुपातिक उम्मेदवार कर्मराज चौधरी, मन्तव्य राख्नु भएको थियो ।
कार्यक्रमको अध्यक्षता राष्ट्रिय जनमोर्चाका जिल्ला कोषाध्यक्ष तथा कपिलवस्तु क्षेत्र नं ३ का प्रचार प्रसार संयोजक केहर सिंह पुन मगर गर्नुभएको थियो ।
कार्यक्रममा सहभागिहरूलाई स्वागत मन्तव्य राष्ट्रिय जनमोर्चा विजय नगर गाउँपालिका समितिका अध्यक्ष गोविन्द परिवारले गर्नुभएको थियो । सञ्चालन राजमो शिवराज नगर समिति कोषाध्यक्ष बेगम बुढाले गर्नु भएको थियो ।
