नेपालगञ्ज । राष्ट्रिय जनमोर्चाले बाँकेले क्षेत्र नं.१ को निर्वाचन परिचालन भेला शुक्रबार कोहलपुरमा आयोजना गरेको छ ।
अखिल नेपाल युवक संघका केन्द्रीय सल्लाहकार कृष्णराज पाण्डेको प्रमुख आतिथ्यमा उक्त भेला सम्पन्न भएको हो ।
भेलामा अखिल नेपाल किसान महासंघ (अफ्फा)का महासचिव तथा बाँके क्षेत्र नं.१का प्रतिनिधिसभा सदस्य उम्मेद्वार तुलसिराम सापकोटा, अनेम संघ केन्द्रीय सदस्य पूर्णकला भण्डारी, जातीय समता समाज लुम्बिनी प्रदेश उपाध्यक्ष मनबहादुर सुनार लगाएतको समेत आतिथ्यता रहेको थियो ।
राजमो कोहलपुर नगर अध्यक्ष तिलकराज पौडेलको अध्यक्षता तथा राजमो बाँकेका सदस्य बालाराम न्यौपानेले स्वागत गर्नुभएको भेलाको सञ्चालन राजमो बाँकेका उपाध्यक्ष जगदीश ढकालद्वारा भएको थियो ।
भेलाले निर्वाचन क्षेत्र नं.१मा कार्यकर्ताहरूलाई प्रशिक्षण दिनुका साथै निर्वाचन प्रचारप्रसार, आर्थिक व्यवस्थापन लगायतका निर्णयहरू गरेको छ ।
