कपिलवस्तु, तौलिहवा । कपिलवस्तु जिल्ला महाराजगञ्ज नगरपालिकामा आज राष्ट्रिय जनमोर्चाको भेला सम्पन्न भएको छ । भेला राष्ट्रिय जनमोर्चा जिल्ला सचिव केरसिंह अदैको प्रमुख आतिथ्यतामा र राम छविले पासीको अध्यक्षतामा सम्पन्न भएको थियो ।

अदैले फागुन २१ गते हुनगइरहेको प्रतिनिधिसभा निर्वाचनमा देशभक्त, राष्ट्रवादी, पार्टी राष्ट्रिय जनमोर्चालाई गिलास चिन्नमा मतदान गरी विजयी बनाउन अपिल गर्नुभयो । वैदेशिक चलखेल बढेको धारणा राख्दै उहाँले देश राष्ट्रिय जनमोर्चाको नीतिले मात्र बच्न सक्ने बताउनु भयो । भेलामा राष्ट्रिय जनमोर्चाका जिल्ला सदस्य राम बहादुर चमारले पनि मन्तव्य राख्नु भएको थियो ।

भेलाले राजेश कुमार हरिजनको संयोजकत्वमा ३१ सदस्यिय राजमो चुनाव प्रचार प्रसार समिति गठन गरिएको छ । जसअनुसार सन्तराम यादव, राम विलास पासी, अर्माद मुसलमान, सलीम खान, इब्राहीम खान, अवकास रैदस्, नजिव उल्ला मुसलमान, दिप कुमार पासी, राधेश्याम रैदास्, अब्दुल रहिफ मुसलमान, जमील अहमद खा, सुक्रराज गिरी, जगदेव चमार, राजेन्द्र यादव, केशव पासी, भगवती कुर्मी, दिपनारायण यादव, राधेश्याम पासी, नसीम अहमद मुसलमान, जुबेर अहमद, मककुल नाउँ, वसी म, अहमद, फौज न, अलि, शिव पूजन चौधरी, शेर बहादुर कस्यप, शैलेश कश्यप, वृक्ष गुप्ता, शिव कुमार गुप्ता र राजेश यादव सदस्य रहनु भएको छ ।
महाराज नगरपालिकाको जितपुरमा सम्पन्न भेलाको सञ्चालन राजेश कुमार हरिजनले गर्नु भएको थियो ।