काठमाडौँ । अखिल नेपाल युवक संघको २०८२ माघ २३–२५ गते बुटवलमा हुने निश्चित गरिएको सम्मेलन हालको लागि स्थगित गरिएको छ । २०८२ माघ २२ गते समितिका अध्यक्ष गणेश अधिकारीले समितिको तर्फबाट वक्तव्य जारि गरि देशीय राजनीतिक अन्योलताको अबस्था र देश चुनावमय भएको अबस्थामा हाललाई केन्द्रीय सम्मेलन तत्काल आयोजना गर्न सम्भव नभएकाले अर्को मितिपछि तय गर्नेगरी सम्मेलन हाललाई स्थगित गरिएको बताउनु भएको छ ।
प्रेस बक्तब्यमा लेखिएको छ :
‘अखिल नेपाल युवक संघको २०८२ माघ २३–२५ गते बुटवलमा आयोजना गर्ने भनिएको आठौं केन्द्रीय सम्मेलन भाद्र महिनाको १३ र १४ गते बसेको केन्द्रीय समितिको बैठकको निर्णयअनुसार तय गरिएको थियो । तर भाद्र २३–२४ को जेनजी प्रदर्शनको क्रममा राष्ट्रले इतिहासमै नभोगेको मानवीय तथा भौतिक क्षेती भोग्न पुग्यो । जसमा ७३ जनाले ज्यान गुमाउन पुगे भने देशको लामो इतिहास बोकेका सिंहदबार, सर्वोच्च अदालत जस्ता अन्य थुप्रै सार्बजनिक भौतिक संरचनार्चनासमेत धस्त हुन पुगे ।
जसको परिणाम देशको राजनीतिक अबस्थामा एकाएक परिबर्तन आइ एकातर्फ पूर्व प्रधानन्यायाधीश सुशीला कार्कीको नेतृत्वमा सरकार गठनहुन पुग्यो । यसरी असंबैधानिक रूपमा बनेको सरकार र त्यसले गरेको संसद् विघटनको सिफारिसले रास्ट्रपति मार्फत संसद विघटन गरेर उक्त सरकारले फागुन २१ को निर्वाचन घोषणा गरि यही माघ ६ गते उम्मेदवारी दर्ता समेत गरिसकेको छ ।
देश निर्वाचनमा होमीइसकेको अबस्था छ भने अर्को तर्फ सर्वोच्च अदालतमा संसद् पुनःस्थापना सम्बन्धी रिट दर्ताका कारण देश गम्भीर राजनीतिक अन्योलमा प्रवेश गरेको अवस्था छ ।
यी सबै घटनाक्रमलाई सर सर्दी नियाल्दा देशभित्रको आन्तरिक समस्या र विश्वव्यापी रूपमा बढ्दो अन्तर्राष्ट्रिय भू–राजनीतिक तनाव, साम्राज्यवादी शक्ति संघर्ष र हस्तक्षेपको बढेकाले नेपालजस्तो सानो र संवेदनशील मुलुकमा थप चुनौती सिर्जना हुन पुगेको छ ।
तसर्थ देशीय राजनीतिक अन्योलताको अबस्था र देश चुनावमय भएको अबस्थामा हाललाई केन्द्रीय सम्मेलन तत्काल आयोजना गर्न सम्भव नभएकाले अर्को मितिपछि तय गर्नेगरी सम्मेलन हाललाई स्थगित गरिएको जानकारी यसै वक्तव्यमार्फत सार्वजनिक गर्दछौँ ।’
