दिल्ली । मूल प्रवाह अखिल भारत नेपाली एकता समाजका केन्द्रीय अध्यक्ष प्रेम पौडेल दुर्घटनामा पर्नुभएको छ । पौडेल नवलपुरमा आफन्तलाई भेटघाट गर्न गएको वेलामा ट्वाइलेटमा लड्नुभएको समाजका महासचिव त्रिभुवन भट्टराईले स्वास्थ्यलाभको कामना गर्दै जारी गर्नुभएको वक्तव्यमा उल्लेख छ ।

महासचिव भट्टराईले वक्तव्यमा लेख्नुभएको छः

‘मूल प्रवाह अखिल भारत नेपाली एकता समाज केन्द्रीय समितिका अध्यक्ष प्रेम पौडेल निर्वाचन कार्यमा खटिएकै दौरान फरवरी १ तारिकका दिन नवलपुरमा आफन्तलाई भेटघाटका लागि जानुभएको थियो । उहाँको ११.०० बजे राती बाथरूममा चिप्लेर लड्दा घाइते हुनुभएको छ ।

एक्सरे गर्दा छातीको वाया पट्टीका चारवटा करङ्गहरू भाच्चीएका र भाच्चीएका करङ्गले मुटुलाई छोएको जानकारी डाक्टरहरूले गराएका छन् । साथै खुट्टाको कुरूकुच्चामा पनि चोट लागेको छ । हाल उहाँको बुटवलमा उपचार भइरहेको छ, आज छातीको थप स्क्यान गर्ने योजना रहेको छ ।

मूल प्रवाह अखिल भारत नेपाली एकता समाज केन्द्रीय समिति अध्यक्ष प्रेम पौडेलको सिघ्र स्वाथ्यलाभको कामना गर्दछौँ ।’