काठमाडौँ । काठमाडौँमा राष्ट्रिय जनमोर्चाको निर्वाचनकेन्द्रित तयारी भेला सम्पन्न भएको छ ।

केन्द्रीय सल्लाहकार आनन्द शर्माको प्रमुख आतिथ्यमा २०८२ माघ १७ गते शनिबार राजमो केन्द्रीय कार्यालय भवनको सभाकक्षमा सो कार्यक्रम सम्पन्न भएको हो ।

प्रमुख अतिथि शर्माले भेलाको उद्घाटनसँगै मन्तव्य राख्नुभएपछि कार्यक्रममा राजमो सल्लाहकार तथा पूर्व सांसद हरि आचार्य, अखिल नेपाल महिला सङ्घकी अध्यक्ष मीना पुन, अखिल नेपाल जनजाति सम्मेलनका अध्यक्ष निमबहादुर बुढाथोकी र अखिल नेपाल कानुन व्यवसायी सङ्घ (अन्ला) का अध्यक्ष अधिवक्ता पदम रोकाले शुभकामना मन्तव्य राख्नुभएको थियो ।

कार्यक्रममा राजमो केन्द्रीय कोषाध्यक्ष मधु क्षेत्री, केन्द्रीय सदस्य सुधा शर्मा, अखिल नेपाल राष्ट्रिय उद्योग व्यापार सङ्घकी केन्द्रीय उपाध्यक्ष ऋतु केसी, अखिल नेपाल महिला सङ्घकी महासचिव सकुन्तला राना, अखिल नेपाल टे«ड युनियन महासङ्घ (अन्टुक) का महासचिव धनपति सापकोटा, प्रगतिशील पत्रकार सङ्घका महासचिव प्रकाश थापामगर, अखिल (छैठौं) की केन्द्रीय कोषाध्यक्ष समष्टी बुढा, उद्योग व्यापार सङ्घका कोषाध्यक्ष बी.बी. अधिकारी, अखिल नेपाल युवक सङ्घका केन्द्रीय सदस्य सगर सुवेदी र प्रगतिशीलका केन्द्रीय सदस्य विद्यानाथ अधिकारीको आतिथ्य रहेको थियो ।

त्यस्तै कार्यक्रममा काठमाडौँ क्षेत्र नं. ४ का उम्मेदवार छवि खनाल, क्षेत्र नं. ५ का उम्मेदवार अशोकविक्रम सिंह (समीर सिंह), क्षेत्र नं. ६ का उम्मेदवार जगत् रेग्मी, क्षेत्र नं. ७ का उम्मेदवार दीर्घकुमार श्रेष्ठ, क्षेत्र नं. ९ का उम्मेदवार रोशन दानी, क्षेत्र नं. १० का उम्मेदवार अमर पौडेलको पनि आतिथ्य रहेको थियो ।

राजमो काठमाडौँका उपाध्यक्ष दिवाकर सुवेदीको अध्यक्षता तथा सल्लाहकार रमेश पौडेलको सञ्चालनमा अघि बढेको भेलामा सहभागीलाई सचिव छवि तथा उम्मेदवार छवि खनालले स्वागत गर्नुभएको थियो ।

भेलाले निमबहादुर बुढाथोकी संयोजक रहनुभएको १३ सदस्यीय चुनाव परिचालन मूल समिति गठन गरेको छ । समितिको सदस्यमा झबिन्द्र बेलबासे, रमेश पौडेल, दिवाकर सुवेदी, छवि खनाल, जगत् रेग्मी, समीर सिंह, अमर पौडेल, ऋतु केसी, मुक्तबहादुर केसी, भक्त विश्वकर्मा, दीपक बन्जाडे र पूजा बेलबासे रहनुभएको छ ।

त्यस्तै भेलाले झबिन्द्र बेलबासे संयोजक रहनुभएको तीन सय एक सदस्यीय प्रचारप्रसार समिति गठन गरेको छ । समितिमा राजमोसम्बद्ध जनवर्गीय सङ्गठनका केन्द्रीय समिति, जिल्ला समिति र नगर समितिका सदस्य रहनुभएको छ ।

एवम् प्रकारले भेलाले छओटै निर्वाचन क्षेत्रस्तरीय प्रचारप्रसार समिति गठन गरेको छ । समितिको संयोजकमा ४ नं. मा मदन शर्मा, ५ नं. मा दानबहादुर खड्का, ६ नं. मा प्रेम भण्डारी, ७ नं. मा ऋतु केसी, ९ नं. मा झबिन्द्र बेलबासे र १० नं. मा धनपति सापकोटा रहनुभएको छ ।

भेलाले माघ २० गतेदेखि फागुन ३ गतेसम्म घरदैलो कार्यक्रम तथा फागुन ४ गतेदेखि १८ गतेसम्म खुल्ला प्रचारप्रसारको कार्यक्रम तय गरेको छ ।