बुटवल । लुम्बिनी प्रदेशमा जातीय समता समाजको प्रदेश समिति गठन भएको छ ।
२०८२ माघ ९ गते रुपन्देहीस्थित राष्ट्रिय जनमोर्चाको प्रदेश कार्यालयमा सुरु भएको सो भेला १० गते समापन हुँदै गर्दा प्रदेश समिति गठन भएको हो ।
राजमो अध्यक्ष चित्रबहादुर केसीको प्रमुख आतिथ्य तथा समता समाजका महासचिव खगेश्वर सुनारको विशिष्ट आतिथ्यमा सम्पन्न भेलाले सूर्यबहादुर नेपाली (प्युठान) अध्यक्ष रहनुभएको प्रदेश समिति गठन गरेको छ ।
समितिको उपाध्यक्षमा मनबहादुर विक (बाँके), सचिवमा प्रकाश विक (कपिलवस्तु), कोषाध्यक्षमा बाबुराम विश्वकर्मा (रुपन्देही) तथा सदस्यमा तारा विक (नवलपरासी), यम परियार (रुपन्देही), कृष्ण सुनार (अर्घाखाँची), विनोद विक (प्युठान), समशेर परियार (प्युठान), नुमबहादुर सुनार (अर्घाखाँची), केशर विक (गुल्मी), इच्छा विक (पाल्पा) र शान्ति सुनार (दाङ) रहनुभएको छ ।
समितिको वैकल्पिक सदस्यमा छवि विक (रोल्पा), पोषण नेपाली (दाङ) र विष्णु सुनार (रुपन्देही) रहनुभएको छ ।
भेलाले सल्लाहकार भिरेन्द्र विक (प्युठान), रामबहादुर नेपाली (कपिलवस्तु) र नरेन्द्र नेपाली (प्युठान) रहनुभएको छ ।
समितिमा सदस्यको एक स्थान र सल्लाहकारको दुई स्थान रिक्त राखिएको छ ।
भेलामा राजमो लुम्बिनी प्रदेश सल्लाहकार सुरेश थापा, कम्युनिस्ट सङ्ग्रहालयका अध्यक्ष चेतनाथ आचार्य, राजमो केन्द्रीय सल्लाहकार तथा तराई मधेस जनवादी मोर्चाका केन्द्रीय अध्यक्ष बद्रे आलम, मूल प्रवाह अखिल भारत नेपाली एकता समाज केन्द्रीय पार्षद सदस्य रेशम विक, अखिल नेपाल किसान महासङ्घ (अप्फा) केन्द्रीय सल्लाहकार चन्द्रबहादुर विक, अखिल नेपाल युवक सङ्घका केन्द्रीय उपाध्यक्ष चोपबहादुर विक, अखिल नेपाल बुद्धिजीवी सङ्घका सचिवालय सदस्य दुर्गानाथ खरेल र रक्तिम सांस्कृतिक अभियानकी केन्द्रीय सदस्य क्षितिजा राहाडीको पनि आतिथ्य रहेको थियो ।
राजमो अध्यक्ष केसी, समता समाजका राजेश विश्वकर्मा र महासचिव सुनारले प्रशिक्षण दिनुभएपछि कार्यक्रममा प्रश्नोत्तर सम्पन्न भएको थियो ।
विनोद विकको सञ्चालन तथा अइन्द्र विकको अध्यक्षतामा अघि बढेको सो भेलामा मनबहादुर विकले स्वागत गर्नुभएको थियो ।
