काठमाडौँ । राष्ट्रियसभा सदस्य वामदेव गौतम र भगवती न्यौपानेले पदबाट राजीनामा दिएका छन् ।
संघीय संसद् सचिवालयले उनीहरूको राजीनामा प्राप्त भएको जनाएको हो ।
७७ वर्षीय वामदेव गौतमले प्रतिनिधि सभा सदस्यको उम्मेदवारका लागि राजीनामा दिएका छन् ।
भागवती न्यौपानेको कार्यकल पनि आगामी फागुन २० मा सकिँदैछ । कार्यकाल सकिनु एक महिनाअगाडि राजीनामा दिएर उनी पनि प्रतिनिधिसभा सदस्यको उम्मेदवार बन्न लागेकी छन् ।
गौतम २०४८ मै चुनाव जितेका थिए । २०५१ फेरि जिते । २०५३ सालमा त उनी गृहमन्त्री नै बने । २०५६ सालको चुनावमा गौतम पराजित भए । २०६४ मा पनि हारे । गौतम २०७० मा बर्दिया १ का साथै प्युठान १ बाट विजयी भए । २०७४ मा पुन: बर्दिया १ बाट उम्मेदवार भए र हारे।
चुनाव हारेपछि राष्ट्रिय सभामा गए। १ असोज २०७७ मा तत्कालीन राष्ट्रपति विद्यादेवी भण्डारीले गौतमलाई राष्ट्रिय सभा सदस्य मनोनीत गरिन्। उनको कार्यकाल आगामी फागुन २० मा सकिंदैछ ।
न्यौपाने २०७४ सालको चुनावमा तनहुँको भानु नगरपालिकाको मेयरमा पराजित भएकी थिइन् । २०७६ मा राष्ट्रिय सभा सदस्यको उम्मेदवार भइन र झण्डै ६ वर्ष काम गरिन् ।
