चितवन । राष्ट्रिय जनमोर्चा जिल्ला समिति चितवन निर्वाचन क्षेत्र नं. २ को चुनावी भेला राष्ट्रिय जनमोर्चाको कार्यालय भरतपुरमा सम्पन भएको छ ।
भक्तिराम गौतमको अध्यक्षता र यादव विलास पन्तको सञ्चालनबाट अगाडि बढेको सो कार्यक्रममा भीमलाल शर्माले स्वागत मन्तव्य दिनुभएको थियो ।
भेलामा राजमो केन्द्रीय सदस्य डम्बर पुरीको प्रमुख आतिथ्यता एवं राजमो केन्द्रीय सदस्य देवी शर्मा, जिल्ला अध्यक्ष अमर बहादुर क्षेत्री, ट्रेड युनियन महासंघ केन्द्रीय सदस्य डम्वर केसी, अखिल नेपाल किसान महासंघ (अप्फा) चितवन अध्यक्ष बिष्णु पौडेल, उद्योग व्यापार संघका जिल्ला संयोजक होमनाथ शर्मा, रक्तिम अभियानका गोपाल पौडेलको आतिथ्यता रहेको थियो ।
कार्यक्रममा वक्ताहरूले चितवन क्षेत्र नम्बर २ मा राष्ट्रिय जनमोर्चाका उम्मेदवारलाइ विजयी बनाउन सबै लाग्नुपर्नेमा जोड दिनुभएको थियो ।
भेलाले बिष्णु पौडेलको संयोजकत्वमा ७ सदस्यीय चितवन क्षेत्र नं २ निर्वाचन परिचालन समिति गठन गरेको छ भने नारायण चालिसेको संयोजकत्वमा ४७ सदस्यीय चुनाब प्रचार प्रसार समिति निर्माण गरिएको छ ।
भेलाले डम्वर केसीको संयोजकत्वमा ५ सदस्यीय निर्वाचन स्वयमसेवक परिचालन समिति गठन गरिएको छ ।
