खलङ्गा । प्युठानको झिमरुक गाउँपालिका वडा नं. १ सौतामारेको फुर्सेधारा गहतेरा, पोखरेछेडा तथा कोटडाँडामा अखिल नेपाल युवक सङ्घको विशेष सङ्गठनात्मक अभियान सम्पन्न भएको छ ।
केन्द्रीय अध्यक्ष गणेश अधिकारी तथा नेकपा (मसाल) ५ नम्बर ब्युरो प्रवक्ता तिलक जिसीको नेतृत्वमा २०८२ पुस २९ गते मङ्गलबार सो कार्यक्रम सम्पन्न भएको हो ।
टोल समिति गठन
अभियानको क्रममा उक्त स्थानमा युवक सङ्घको टोल समिति गठन भएको छ ।
समितिको अध्यक्षमा दलबहादुर परियार, उपाध्यक्षमा सुशीला परियार, सचिवमा अनिता परियार, सहसचिवमा राजन परियार, कोषाध्यक्षमा सुनिता परियार तथा सदस्यमा मीना परियार, बिन्दु परियार, पुष्पा परियार, सन्तोष परियार र टोपबहादुर परियार रहनुभएको छ ।
महिला सङ्घको पनि समिति
अभियानकै क्रममा अखिल नेपाल महिला सङ्घको पनि टोल समिति गठन गरिएको छ ।
समितिको अध्यक्षमा मनिता परियार, उपाध्यक्षमा बिन्दु परियार, सचिवमा सुनिता परियार, सहसचिवमा मीना परियार, कोषाध्यक्षमा सुशीला परियार तथा सदस्यमा पुष्पा परिवार, रूपा परियार, गीता विक र शुभ परियार रहनुभएको छ ।
कार्यक्रममा युवक सङ्घका केन्द्रीय उपाध्यक्ष चोपबहादुर विक, राष्ट्रिय जनमोर्चा झिमरुक गाउँपालिका समितिका सचिव देवेन्द्र जिसी, युवा नेता प्रकाश जिसी, राजमो झिमरुक वडा नं. १ का अध्यक्ष विजयविक्रम जिसीको पनि आतिथ्य रहेको थियो ।
सो अवसरमा वर्तमान राजनीतिक अवस्था, अन्तर्राष्ट्रिय भूराजनीति र त्यसको नेपालमा परेको प्रभाव, जेनजी आन्दोलन, युवाको अवस्था र समस्या, राजनीतिमा युवा आन्दोलनको भूमिका आदिबारे प्रशिक्षण चलाइएको थियो ।
अभियानको क्रममा युवक सङ्घको सदस्यता वितरण तथा अन्तरक्रियासमेत सम्पन्न गरिएको थियो ।
सोही अवसरमा सो स्थानमा मनबहादुर पुन अध्यक्ष रहनुभएको युवक सङ्घको अर्को समिति पनि गठन गरिएको थियो । समितिमा उपाध्यक्ष माधव पुनमगर, सचिव मिलन पुन, कोषाध्यक्ष धरम पुन, सहसचिव भेषम नेपालीलगायत पदाधिकारी र सदस्य रहनुभएको बताइएको छ ।
त्यस्तै टोलीले झिमरुक–१ को बिडडाडामा पनि कार्यक्रम सम्पन्न गरेको आयोजकले जानकारी दिएको छ ।
