कृष्ण केसी, नारायणगढ ।
राष्ट्रिय जनमोर्चाले चितवनका जिल्लाका तीनओटै प्रतिनिधिसभा निर्वाचन क्षेत्रमा चुनाव प्रचारप्रसारका लागि ६० सदस्यीय परिचालन समिति गठन गरेको छ ।
जिल्ला अध्यक्ष अमरबहादुर क्षेत्रीको अध्यक्षतामा २०८२ पुस २७ गते बसेको राजमो चितवनको बैठकले सो निर्णय गरेको हो ।
बैठकले निर्वाचन परिचालन समितिको संयोजकमा राजमो केन्द्रीय सदस्य डम्मर पुरीलाई चयन गरेको छ । सो समितिमा अर्का केन्द्रीय सदस्य राजेन्द्र ढुङ्गाना, जिल्ला अध्यक्ष अमरबहादुर क्षेत्री र जिल्ला समितिका सचिव पदमप्रसाद वाग्ले सदस्य रहनुभएको छ ।
त्यस्तै आर्थिक समितिको संयोजकमा पदमप्रसाद वाग्ले तथा सदस्यमा डम्मर पुरी र अमरबहादुर क्षेत्री रहनुभएको छ ।
एवम् प्रकारले प्रचारप्रसार समितिको संयोजकमा अमरबहादुर क्षेत्री रहनुभएको छ ।
त्यसैगरी बैठकले चितवन निर्वाचन क्षेत्र नं. १ को संयोजकमा पदमप्रसाद वाग्ले चयन गर्दै सदस्यमा देविराम शर्मा र ढगराज शर्मालाई चयन गर्दै परिचालन समिति निर्माण गरेको छ ।
यता, चितवन निर्वाचन क्षेत्र नं. २ निर्वाचन परिचालन समितिको संयोजकमा विष्णुप्रसाद पौडेल तथा सदस्यमा नारायण चालिसे, विष्णुप्रसाद ढुङ्गाना, डम्मर केसी र लालबहादुर थापा रहनुभएको छ ।
एवम् प्रकारले चितवन निर्वाचन क्षेत्र नं. ३ परिचालन समितिको संयोजक भविश्वर शर्मालाई तोकिएको छ भने सदस्यमा अमरबहादुर क्षेत्री, बालकुमारी आचार्य, मोहराज चालिसे र यादवविलास पन्त रहनुभएको छ ।
बैठकले चुनाव प्रचारप्रसारलाई गति दिनका लागि क्षेत्रीयस्तरका भेला गर्ने निर्णय गरेको जानकारी दिइएको छ । सोअनुसार क्षेत्र नं. १ को भेला माघ ३ गते बैरियाटाडी चितवन पूर्वमा, निर्वाचन क्षेत्र नं. २ को भेला माघ २ गते भोजाड मध्यचितवनमा र निर्वाचन क्षेत्र नं. ३ को भेला पुस ३० गते जगतपुर पश्चिम चितवनमा सम्पन्न हुनेछ ।
उक्त भेलामार्फत् प्रतिनिधिसभाको उम्मेदवार तय गरेर माघ ६ गते उम्मेदवारी दर्ता गरिने राजमो चितवनले जानकारी दिएको छ ।
