नयाँ दिल्ली । मूल प्रवाह अखिल भारत नेपाली एकता समाज केन्द्रीय वैकल्पिक सदस्य ठाकुरप्रसाद केसीको निधन भएको छ । केसीको जनवरी ५, २०२६ दिन निधन भएको समाजका केन्द्रीय अध्यक्ष प्रेम पौडेलद्वारा जारी शोक वक्तव्यमा उल्लेख छ । केसी प्यूठान माण्डवी गाउँपालिका ३, लामाचौर निवासी हुनुहुन्थ्यो । तेलङ्गना राज्यको नेल्लोरमा सपरिवार सहित रहँदै आउनुभएका केसीको ५७ वर्षको उमेरमा प्रोजेक्टको सरकारी बंगलामा ड्युटीको दौरानमा हृदयघात भई निधन भएको हो ।
यसै बिच केन्द्रीय अध्यक्ष प्रेम पौडेलले शोक वक्तव्य गर्नुभएको छ :
“मूल प्रवाह अखिल भारत नेपाली एकता समाज केन्द्रीय वैकल्पिक सदस्य ठाकुरप्रसाद केसीको आज प्रात दुखद निधन भएको खबरले सिंगो संगठन सतब्ध भएको छ । हामीले एक सकृय निष्ठावान कार्यकर्ता गुमाएका छौं । उहाँको निधनले हाम्रो संगठनमा क्षति भएको छ ।
माण्डवी गा.पा. ३ लामाचौर प्युठान घर भई भारतको आन्ध प्रदेश नेल्लुर जिल्लाको तेलगु गंगा प्रोजेक्टमा जागिर गर्दै जिविकोपार्जन आउनु भएको थियो । ५७ वर्षको उमेरमा प्रोजेक्टको सरकारी बंगलामा ड्युटीको दौरानमै उहाँलाई हृदयघात भएको र तत्काल डिएसआर गवरमेन्ट हस्पिटल पुर्याउँदा डाक्टरहरूले मृत्यु भएको घोषणा गरे । बुवा शोभाराम केसी र आमा बालिका देवी केसीको जेठो छोरा ठाकुर प्रसाद केसी मूल प्रवाह अखिल भारत नेपाली एकता समाजका विभिन्न जिम्मेवारीहरूलाई सकृय रूपमा निर्वाह गर्दै केन्द्रीय समितिको वैकल्पिक सदस्यको जिम्मवारीमा हुनुहुन्थ्यो ।
हामी ठाकुर प्रसाद केसीको मृत्यप्रति गहिरो दुःख व्यक्त गर्दै हार्दिक श्रद्धाञ्जली अर्पण गर्दछौँ । साथै शोक सन्तप्त परिवारजनप्रति हार्दिक सम्वेदना प्रकट गर्दछौँ ।”
