अर्घाखाँची । रक्तिम सांस्कृतिक अभियान अर्घाखाँची जिल्ला भेला सन्धिखर्कमा सम्पन्न भएको छ ।
रक्तिम सांस्कृतिक अभियानको काबा अध्यक्ष दिपक पन्थीको अध्यक्षता तथा सञ्चालन सन्तोष सुनारको सञ्चालन र पुर्णिमा सुनारको स्वागत मन्तब्यबाट कार्यक्रम अगाडि बढेको थियो ।
भेला रक्तिम सांस्कृतिक अभियानका केन्द्रीय अध्यक्ष गिरीप्रसाद बुढाको प्रमुख आतिथ्यतामा सम्पन्न भएको थियो । त्यस्तै राष्ट्रिय जनमोर्चा लुम्बिनी प्रदेशका अध्यक्ष बोमबहादुर खत्रीको विशिष्ट आतिथ्यता रहेको थियो ।
राष्ट्रिय जनमोर्चा अर्घाखाँचीका जिल्ला अध्यक्ष थमन के.सी. र अखिल नेपाल किसान संघका केन्द्रीय सदस्य भिमलाल आचार्यले पनि अतिथि आसनग्रहण गर्नुभएको थियो ।
भेलाले दिपक पन्थीको अध्यक्षतामा ११ सदस्यीय रक्तिम सांस्कृतिक अभियान अर्घाखाँची जिल्ला समिति गठन गरेको छ । जसमाः उपाध्यक्ष– सन्तोष सुनार, सचिव– बिजय खत्री, सहसचिव– सन्ध्या राना रहनुभएको छ ।
यसैगरी अन्य सदस्यमा परिचय पुन, ईच्छुक सुनार, रेश्मी सारू, डिम्पि आले रहनुभएकोछ भने दुई स्थान रिक्त राखिएको छ । यसैगरि बैकल्पिक सदस्यहरूमा अश्मिता रेश्मी र तिर्सना पुन रहनुभएको छ । भने एक स्थान रिक्त राखिएको छ ।
यसैगरी सल्लाहकारमा जीवन पुन र विजय घर्ती मगर चयन हुनुभएको छ ।
