खलङ्गा । अखिल नेपाल जनजाति सम्मेलनको एकमहिने प्युठान साङ्गठनिक अभियानको क्रममा स्वर्गद्वारी–६ को थापाखर्क र सालबाङमा प्रशिक्षण कार्यक्रमसँगै समिति गठन गरिएको छ ।
२०८२ पुस १४ गते सोमबार सो दुई स्थानमा जनभेटघाट, प्रशिक्षण कार्यक्रमसँगै समिति गठन गरिएको हो ।
कार्यक्रममा सम्मेलनका केन्द्रीय अध्यक्ष निमबहादुर बुढाथोकी, उपाध्यक्ष उषा पुन, केन्द्रीय सदस्य हरि आले र जनजातिसभाका सदस्य तथा जनप्रतिनिधि गिरबहादुर गुरुङले प्रशिक्षण दिनुभएको थियो ।
त्यस क्रममा स्थानीय विकास निर्माण तथा जनजाति समस्या, जेनजी आन्दोलन, आगामी चुनावलगायतका विषयमा छलफल चलाइएको थियो ।
भेलामा जनजाति सम्मेलनको सदस्यता अभियान सञ्चालनसँगै पर्चा वितरण पनि गरिएको थियो ।
वडासमिति गठन
भेलाले बोमबहादुर पुन अध्यक्ष रहनुभएको जनजाति सम्मेलनको वडासमिति गठन गरेको छ ।
समितिको उपाध्यक्ष, सचिव र कोषाध्यक्षमा क्रमश: देवेन्द्र घर्तीमगर, दुनाराम घर्तीमगर र झगी पुनमगर रहनुभएको छ ।
त्यस्तै सदस्यमा अमृता पुन, उमेश गुरुङ, चेतमान घर्तीमगर, गनबहादुर पुन, तिलक पुन, तुलसीराम पुन, प्रेम पुन, मानबहादुर घर्तीमगर र जीवा पुन रहनुभएको छ ।
