तौलिहवा । कपिलवस्तु जिल्लाको विजयनगर गाउँपालिका वडा नं. २ को मगरकट्टामा राष्ट्रिय जनमोर्चाको दोस्रो वडाभेला सम्पन्न भएको छ ।
राजमो कपिलवस्तुका सचिव केरसिंह अदैको प्रमुख आतिथ्यमा २०८२ पुस १४ गते सोमबार सो कार्यक्रम सम्पन्न भएको हो ।
भेलाले राजकुमार यादव अध्यक्ष रहनुभएको १३ सदस्यीय वडासमिति गठन गरेको छ ।
समितिको उपाध्यक्षमा तितिल प्रजापति, सचिवमा रामचन्द्र चाई, कोषाध्यक्षमा राजकुमार चाई तथा सदस्यमा रामगोपाल यादव, डालमन कहाँर, रामसुरत केवट, रोहवत यादव र भागिरथी भर रहनुभएको छ ।
त्यस्तै, वैकल्पिक सदस्यमा शिभा चाई र एक स्थान तथा सल्लाहकारमा हीरालाल तेली र पूर्णवासी यादव रहनुभएको छ ।
भेलामा मन्तव्य राख्दै प्रमुख अतिथिले अदैले जनता सजग नभए भविष्यमा देश नै नरहने स्थिति आउने बताउनुभयो ।
गाउँगाउँमा राजमोको नीति तथा कार्यक्रम लैजान कार्यकर्ताले अग्रणी भूमिका खेल्नुपर्ने उहाँको थप धारणा थियो ।
कार्यक्रममा राजमो विजयनगर गाउँपालिका समितिका अध्यक्ष गोविन्द परियारले पनि मन्तव्य राख्नुभएको थियो ।
भेलाको अध्यक्षता गोपाल यादवले र सञ्चालन रामसुरत केवटले गर्नुभएको थियो ।
