गुल्मी, पुस १२ । रक्तिम सांस्कृतिक अभियान गुल्मीको पाँचौ जिल्ला भेला सम्पन्न भएको छ । भेला २०८२ पुस ११ र १२ गते सत्यवती गाउँपालिकाको वडा नम्बर २ चेहेमी पिपलबोटमा सम्पन्न भएको हो ।
शहिदहरूप्रति एक मिनेट मौनधारण पश्चात अगाडि बढेको सो भेलाको उद्घाटन प्रमुख अतिथि अभियानका केन्द्रीय अध्यक्ष गिरीप्रसाद बुढाले गर्नुभएको हो ।
कार्यक्रममा विशिष्ट अतिथिमा राष्ट्रिय जनमोर्चा केन्द्रीय सदस्य तथा लुम्बिनी प्रदेश सांसद तारा थापा हुनुहुन्थ्यो । त्यसैगरि राष्ट्रिय जनमोर्चा केन्द्रीय सदस्य तथा राष्ट्रिय जनमोर्चा गुल्मी जिल्ला अध्यक्ष रामकुमार क्षेत्री, अखिल नेपाल किसान महासंघ (अन्फा) का केन्द्रीय सदस्य ओमेन्द्र कुँवर, राष्ट्रिय जनमोर्चा लुम्बिनी प्रदेश सदस्य रामेश्वर क्षेत्री, राष्ट्रिय जनमोर्चा गुल्मी जिल्ला सचिव छविलाल सर्तुङ्गी, राष्ट्रिय जनमोर्चा गुल्मी जिल्ला सदस्य कमल पुलामी, अखिल नेपाल युवक संघ गुल्मी जिल्ला सचिव ओम सिंजापति, अखिल नेपाल महिला संघ गुल्मी जिल्ला सचिव जमुना कुँवर लगायतले अतिथि आसनग्रहण गर्नुभएको थियो ।
रक्तिम सांस्कृतिक अभियान गुल्मीका अध्यक्ष उषा तरामी मगरले र सञ्चालन हरि सर्तुङ्गीले गर्नुभएको थयो । कार्यक्रममा सहभागिहरूलाई रक्तिम सांस्कृतिक अभियान गुल्मी जिल्लाका सहसचिव रमेश पुनको स्वागत गर्नुभएको थियो ।
उद्घाटन समारोह समापन पश्चात् शैद्धान्तिक प्रशिक्षणको कार्यक्रम सञ्चालन गरिएको थियो । जसअन्तर्गत दृष्टिकोण र रक्तिमको संगठन बिषयमा गिरीप्रसाद बुढाले प्रशिक्षण दिनु भएको थियो ।
त्यस्तै समसामयिक राजनीतिको बारेमा रामकुमार क्षेत्रीले, रामेश्वर क्षेत्रीले अनुशासन, किसान समस्या र किसानसँग रक्तिमका कलाकारहरूको सम्बन्ध बारेमा ओमेन्द्र कुँवरले प्रशिक्षण दिनसभएको थियो ।
११ र १२ गते सम्पन्न रक्तिा सांस्कृतिक अभियान गुल्मीको पाचौँ जिल्ला भेलाले उषा तारामी मगरलाई अध्यक्षमा निर्वाचित गरेको छ । यसैगरी उपाध्यक्ष– ललिता थापा, सचिव– हरि बहादुर सर्तुङ्गी, सहसचिव– रमेश पुन, र कोषाध्यक्ष– गंगा पुलामी चयन हुनुभएको छ । त्यस्तै सदस्यहरूमा प्रतिभा कुँवर, पुरण माझी, बैकल्पिक सदस्यहरूमा निशा गोर्खाली, पार्वती पुलामी, झरना लामीछाने चयन हुनुभएको छ ।
यसैगरी भेलाले गुमानसिंह पुन, नरमाया राना र आशिका माझी रहेको ३ सदस्यीय सल्लाहकार समिति पनि चयन गरेको छ ।
