अन्तर्राष्ट्रिय एकताको लागि नेपाली जनताको मञ्च चण्डिगढको आयोजनामा १३३औँ माओ दिवस मनाइएको छ ।
कार्यक्रमलाई मूल प्रवाहका केन्द्रीय सचिवालय सदस्य दिनेश खडकाले सम्वोधन गर्दै एकातर्फ देशमा संविधान, राष्ट्रियता गणतन्त्र र धर्मनिरपेक्षता खतरामा परेको र अर्कोतर्फ अन्तर्राष्ट्रिय रुपमा नै मार्क्सवाद–लेनिनवाद तथा माओविचारधारा रक्षात्मक अवस्थामा रहेको बताउनु भयो ।
त्यस्तै मूल प्रवाहका केन्द्रीय सदस्य तथा नेपाली समाचारका संयोजक खिमराज चालिसे, मूल प्रवाह सुदुर पश्चिमोत्तर क्षेत्रीय सदस्य एवं सांस्कृतिक संयोजक जुना भण्डारी चालिसे, सांस्कृतिक विभाग केन्द्रीय सदस्य एवं मूल प्रवाह क्षेत्रीय सदस्य बिनु नेपाली, सुदुर पश्चिमोत्तर क्षेत्रीय सदस्य एवं नगर अध्यक्ष मान बहादुर केसी, अखिल भारत नेपाली विद्यार्थी संघका केन्द्रीय सदस्य नारायण आचार्य लगाएतले पनि मन्तव्य राख्नुभएको थियो ।
कार्यक्रम थानेश्वर पान्डेको सञ्चालनमा तथा थमन थापाको अध्यक्षतामा सम्पन्न भएको थियो । कार्यक्रममा सहभागिहरूलाई जमुना खनाल र सांस्कृतिक कलाकारहरूले स्वागत गर्नु भएको थियो ।
