प्युठान । अखिल नेपाल जनजाति सम्मेलनको साङ्गठनिक अभियान खालमा सपन्न भएको छ ।
२०८२ पुस २ गते जनजातिका केन्द्रीय अध्यक्ष निमबहादुर बुढाथोकीको प्रमुख आतिथ्यतामा स्वर्गद्वारी नगरपालिको २ नं. वडाको खालमा सभा सम्पन्न भएको छ । बुढाथोकीले साङ्गठनिक अभियान चलाउनुको मुख्य कुरा स्पष्ट पार्दै नेपालमा जनजातिहरू शोषित पीडित भएको बताउँनुभएको थियो ।
नेपालका राजनीतिक दलले जनजातिहरूलाई भोट व्याङ्कको भर्याङ बनाउने काम गरिहेको र त्यसका लागि नेपालका जनजातिहरू सचेत बन्नुपर्नेमा जोड दिँदै बुढाथोकीले ‘सङ्घीयताको नाममा नेपालका जनजातिहरूलाई विभाजन गराउने विदेशी साम्राज्यवादी शक्तिहरूले यो खेल खेलिरहेका छन् ।’
उहाँले आगामी फागुन २१ मा हुने प्रतिनिधि सभाको चुनावमा कसैस“ग गठबन्धन नगर्ने र राष्ट्रिय जनमोर्चा एक्लै चुनाव लड्ने कुरा औँल्याउँदै राजनीतिक दलका गलत क्रियाकलापको भण्डाफोर गर्ने कुरामा जोड दिनुभएको थियो ।
त्यस्तै उहाँले खालका २ नं. वडाबासीका जनतालाई राष्ट्रिय जनमोर्चाका उमेदवारलाई जिताउन चुनावी प्रचारप्रसारमा लाग्न र यो क्षेत्रका जनाजातिहरू त्यसमा लागे महत्वपूर्ण भूमिका रहने बताउँनु भएको थियो ।
त्यस्तै अर्का अतिथि सम्मेलनका केन्द्रीय सल्लाहकार तथा स्वर्गद्वारी नगरका उपप्रमुख मीनराज पुनले २ नं. वडामा ८२ प्रतिशत जनजातिहरू रहेको दावी गर्दै आफ्नो अधिकार विकास निर्माण गर्नलाई आफै सङघर्ष गर्नुपर्ने बताउनुभएको थियो ।
सभामा जनजाति सम्मेलनमा केन्द्रीय उपाध्यक्ष उषा पुन, केन्द्रीय सचिव रामबहादुर जिएम, जनजाति सम्मेलन प्युठान जिल्ला अध्यक्ष नन्दराम पुनले पनि मन्तव्य राख्नुभएको थियो ।
सभामा केन्द्रीय सदस्यहरू हरि राहादी, केरसिंह पुन जनजाति सम्मेलन दाङ जिल्ला सचिव मङ्गलसिंह घर्तिमगर, दाङ जिल्ला कोषाध्यक्ष शेरबहादुर पुन, राष्ट्रिय जनमोर्चा वडा नं. २ का अध्यक्ष धनबहादुर पुनको पनि आतिथ्यता रहेको थियोे । सभा वडाका विभिन्न टोलबाट लिब्जा, हाम्जा हुँदै जुलुससहित २ न वडाको खालमा पुगी सभामा परिणत भएको थियो ।
कार्यक्रमको अध्यक्षता जनजाति सम्मेलन स्वर्गद्वारी नगर समितिका अध्यक्ष चित्रमान पुन, सञ्चालन भूपेन्द्र पुन, स्वागत राजमो स्वर्गद्वारी नगरका सल्लाहकार तथा राजमो २ नं. वडा अध्यक्ष बुद्धिराम पुनले गर्नुभएको थियो ।
