काठमाडौँ । एमालेको जारी ११औँ महाधिवेशनको बन्दसत्रमा जुटिरहेको छ । तर यसै बिच आफूहरूले आकांक्षा राखेको पदाधिकारी नबनाएपछि चार नेताले अध्यक्ष केपी शर्मा ओलीको साथ छाडेका छन् ।

ओली सरकारमा शिक्षा, विज्ञान तथा प्रविधि मन्त्री रहेका रघुजी पन्त, प्रचार विभाग प्रमुख राजेन्द्र गौतम, नेता कृष्णगोपाल श्रेष्ठ र गोकुल बास्कोटाले ओलीको साथ छोडेका हुन् ।

ओली समूहमा महासचिवमा दाबेदारी पेस गरेका प्रदीप ज्ञवालीले उपाध्यक्षमा मनोनयन दर्ता नगरी घरतिर हिँडेको एमाले नेताहरू बताउँछन् । पन्तले ओलीले पदाधिकारीमा नराखेपछि अर्का अध्यक्षका उम्मेदवार ईश्वर पोखरेल प्यानलबाट उपाध्यक्ष लडेका छन्‌् ।

त्यस्तै बास्कोटा र श्रेष्ठले पोखरेलको प्यानलबाट सचिव पदका लागि उमेदवारी दिएका छन् । राजेन्द्र गौतमले सचिव पदमा स्वतन्त्र उमेदवारी दिएका छन् ।