खलङ्गा । राष्ट्रिय जनमोर्चा सल्यानको दोस्रो जिल्ला सम्मेलन सम्पन्न भएको छ ।
२०८२ मङ्सिर २७ गते शनिबार श्रीनगरबजारमा सो सम्मेलन सम्पन्न भएको हो ।
सम्मेलनको उद्घाटन प्रमुख अतिथि राजमो केन्द्रीय सदस्य गणेश आचार्यले गर्नुभएको थियो ।
६५ वर्षीय रुद्रबहादुर खाणलाई राजमोको सदस्यता प्रदान गर्दै प्रमुख अतिथि आचार्यले सम्मेलनको उद्घाटन गर्नुभयो ।
सो अवसरमा मन्तव्य राख्दै उहाँले देशका भ्रष्टाचार तथा सुशासनको पक्षमा सम्झौताहीन सङ्घर्ष गर्ने एक मात्र पार्टी राजमो भएको दाबी गर्नुभयो ।
देशको नेतृत्व गर्न सक्षम राजमो मात्रै रहेको दाबी गर्दै उहाँले जनताले सही राजनीतिक शक्ति छुट्याउनुपर्ने आवश्यकतामा जोड दिनुभयो ।
कार्यक्रमको अध्यक्षता ढकनप्रसाद शर्माले र सञ्चालन झक्कु शर्माले गर्नुभएको थियो ।
अध्यक्षमा शर्मा
सम्मेलनले ढकनप्रसाद शर्मा अध्यक्ष रहनुभएको २१ सदस्यीय राजमोको सल्यान जिल्ला समिति चयन गरेको छ ।
समितिको उपाध्यक्षमा तुलसीराम योगी, सचिवमा झक्कु शर्मा, सहसचिवमा सुशीला शर्मा र कोषाध्यक्षमा कृष्ण थापा रहनुभएको छ ।
त्यस्तै, सदस्यमा रामबहादुर कुमाई, जगबहादुर टमटा, हीरामणि राना, धनबहादुर बुढामगर, नरबहादुर रावल, कमला डागी, लालमणि पुन, तिलक रावत, डेगबहादुर टमटा, लोकबहादुर रावत, कमला बुढाथोकी, चन्द्रबहादुर विक, अनाम चन्द र लुहाम सार्की रहनुभएको छ ।
समितिमा सदस्यको दुई स्थान हाललाई रिक्त राखिएको अध्यक्ष शर्माले जानकारी दिनुभयो ।
