कृष्ण केसी, भरतपुर ।
राष्ट्रिय जनमोर्चा चितवनले साम्राज्यवादको विरुद्धमा विरोधसभा सम्पन्न गरेको छ ।
२०८२ मङ्सिर २६ गते भरतपुर महानगरपालिका–२३ जगतपुरको कसराचोकमा उक्त कार्यक्रम सम्पन्न भएको हो ।
‘वर्तमान देशको अवस्था र साम्राज्यवादको खतरा’ विषयक उक्त कार्यक्रमको प्रमुख अतिथि अखिल नेपाल शिक्षक सङ्घका अध्यक्ष सानोभाइ कार्की हुनुहुन्थ्यो ।
कार्यक्रममा प्रमुख अतिथि कार्कीसँगै राजमो केन्द्रीय सदस्य राजेन्द्र ढुङ्गाना र अर्का केन्द्रीय सदस्य डम्मर पुरी तथा नेकपा (मसाल) चितवनका प्रवक्ता भवीश्वर शर्माले मनतव्य राख्नुभएको थियो ।
मन्तव्यको क्रममा वक्ताहरूले जेनजी आन्दोलन, देशको समसामयिक परिस्थिति र नेपालमा साम्राज्यवादको बढ्दो खतराका बारेमा धारणा राख्नुभएको थियो ।
सो अवसरमा अखिल नेपाल महिला सङ्घकी केन्द्र्रीय सदस्य बालकुमारी आचार्य र मूल प्रवाह अखिल भारत नेपाली एकता समाजका नेता बाबुराम केसी पनि आतिथ्य रहेको थियो ।
पदम वाग्लेको सञ्चालन तथा मोहराज चालिसेको अध्यक्षतामा अघि बढेको उक्त कार्यक्रममा विष्णु पौडेलले स्वागत गर्नुभएको थियो ।
