काठमाडौं । सत्तारुढ दल नेपाल कम्युनिस्ट पार्टी (नेकपा) स्थायी कमिटी बैठक एक साताका लागि स्थगित भएको छ ।
आज बोलाइएको बैठक बाढी पहिरोका कारण एक हप्ताका लागि स्थगित गरिएको प्रवक्ता नारायणकाजी श्रेष्ठले जानकारी दिनुभयो ।

विवादका बीच बस्दै स्थगित हुँदै आएको बैठक आजका लागि बोलाइएको थियो । आजको बैठकमा प्रधानामन्त्री एवं पार्टी अध्यक्ष केपी शर्मा ओलीको राजीनामा औपचारिक रुपमा माग्ने स्थायी समिति सदस्यहरुले तयारी गरेका थिए ।

स्थायी समितिबाट ओलीको राजीनामा माग्ने तयारी भइरहँदा र ओलीले राजीनामा नदिने अडान लिइरहँदा पार्टी फुटतर्फ जाने आशंकाका कारण केही नेताहरुले बैठक रोक्न नेतृत्वलाई दबाब दिएका थिए ।

प्रधानमन्त्री ओली र अध्यक्ष पुष्पकमल दाहालबीच किचलो मिलाउन पटक पटक वार्ता भएपनि कुरा मिल्न सकेको छैन ।