काठमाडौँ । नेपाल कम्युनिस्ट पार्टी (मसाल)को महिला मोर्चा अखिल नेपाल महिला संघ र भारतको समाजवादी एकता केन्द्र कम्युनिस्ट पार्टीको महिला मोर्चा बीच राजनीतिक सम्वाद कार्यक्रम सम्पन्न भएको छ ।
सो अवसरमा अखिल नेपाल महिला संघकी अध्यक्ष मिना पुन, महासचिव सकुन्तला राना, सदस्य तारा क्षेत्री, भारतबाट आउनु भएकी भारती मुखर्जी र छाविरानी मोहन्ती बीच राजनीतिक सम्वाद भएको हो ।
सम्वादमा नेपाल कम्युनिस्ट पार्टी (मसाल)का महामन्त्री मोहनविक्रम सिंह, राष्ट्रिय जनमोर्चाका महासचिव मनोज भट्ट, वामपन्थी नेता आनन्द शर्मा, राजमो उपाध्यक्ष तथा प्रवक्ता दुर्गा पौडेलको पनि विशेष आतिथ्यता रहेको थियो ।
राजनीतिक सम्वाद दौरानमा महिला संगठनलाई आगामी समयमा अझै व्यवस्थित रुपमा कसरी परिचालन गर्न सकिन्छ भन्ने विषयमा नै केन्द्रीत थियो ।
अन्तर्राष्ट्रिय महिला गोष्ठिका लागि भारतबाट प्रतिनिधीत्व गरी नेपाल आउनु भएका मुखर्जी र मोहन्तीलाई सोही अवसरमा विदाई गरिएको दुर्गा पौडेलले युगदर्शनलाई जानकारी दिनुभयो ।
