काठमाडौँ । राष्ट्रिय जनमोर्चा केन्द्रीय कार्यालयले आज दिउसो हार्दिक होटलमा आयोजना गरेको अन्तरक्रिया कार्यक्रममा राजनीतिक दलका नेता तथा बुद्धिजीवीको सहभागिता हुने भएको छ ।
नेपाल कम्युनिस्ट पार्टी (मसाल) का महामन्त्री मोहनविक्रम सिंहद्वारा “वर्तमान समसामयिक राजनीतिक परिस्थिति र जेनजी आन्दोलन” शीर्षकको अवधारणापत्र प्रस्तुत हुने उक्त कार्यक्रममा नेता तथा बुद्धिजीवीमाझ अन्तरक्रिया हुन थालेको हो ।
राजमो महासचिव भट्टका अनुसार सो कार्यक्रममा नेपाली कम्युनिस्ट पार्टीका नेता देव गुरुङ, क्रान्तिकारी कम्युनिस्ट पार्टीका नेता परि थापा, नेपाल कम्युनिस्ट पार्टी (माओवादी) का नेता माइला लामा, उपेन्द्र यादव नेतृत्वको जनता समाजवादी पार्टीका नेता प्रकाश अधिकारी र घनश्याम ढकाल नेतृत्वको पार्टीबाट डा. विजय पौडेलको उपस्थिति रहनेछ ।
त्यस्तै, बुद्धिजीवीहरू प्राडा युवराज सङ्ग्रौला, देवप्रकाश त्रिपाठी, सीमा अध्येता रतन भण्डारीलगायतको पनि कार्यक्रम उपस्थिति रहनेछ ।
