काठमाडौँ । बाबुराम भट्टराई नेतृत्वको नेपाल समाजवादी पार्टी (नयाँशक्ति), जनार्दन शर्मा नेतृत्वको प्रगतिशील राष्ट्रिय अभियान र सन्तोष परियार नेतृत्वको समूहलगायत समूहमाझ मङ्सिर ७ गते एकता हुने भएको छ ।

बृहत् एकता घोषणासभाको तयारी तीव्र गतिमा अघि बढेको नयाँशक्तिको प्रचार विभागले जानकारी दिएको छ ।

काठमाडौँको राष्ट्रिय सभागृहमा आयोजना गरिने भनिएको उक्त तीन घटकबाहेक अन्य समूहलाई पनि ल्याउने गरी छलफल भइरहेको बताइएको छ ।

नेसपा नयाँ शक्तिसहित प्रगतिशील राष्ट्रिय अभियान र परियार समूहबिच कात्तिक २८ गते एकता सहमतिमा हस्ताक्षर भएको थियो ।

नयाशक्तिले विवेकशील साझा, नागरिक उन्मुक्ति पार्टी नेपाल, जेनजीका विभिन्न समूहसँग एकताका लागि छलफल जारी राखेको छ तर निष्कर्षमा नपुगेको बताइएको छ ।