चण्डीगढ । भारतको पंजाब राज्यको लुधियानामा लामो समयदेखि सामाजिक काममा खटिदै आउनु भएका सुनिता मानन्धर र सोभा वर्मा मूल प्रवाह अखिल भारत नेपाली एकता समाजमा प्रवेश गर्नुभएको छ ।
वहाँहरू दुबैजनालाई मूल प्रवाहको देउसीभैलो समिक्षा कार्यक्रमको अवसरमा स्वागत तथा सदस्यता प्रमाण पत्र हस्तान्तरण गरिएको छ । समारोह आईतवार १६ नोबेम्बर २०२५ को सम्पन्न भएको हो ।
मूल प्रवाह अखिल भारत नेपाली एकता समाज लुधियाना फोकल प्वाइंट नगर समितिले २०८२ को जनवादी भैलो समिक्षा कार्यक्रममा सुनिता मानन्धर र सोभा वर्मालाई मूल प्रवाहको सदस्यता दिएर संगठनमा आवद्ध गरिएको नगर सचिव अर्जुन कार्किले बताउनु भएको छ ।
कार्यक्रममा नगर उपाध्यक्ष मोहन केसी, कोषाध्यक्ष धन बहादुर घर्ती मगर सदस्यहरू चेत मान, गोपाल श्रेत्री, बिनोद विक, महिला क्षेत्रिय सदस्य बसन्ती थापा, लुधियाना महिला संयोजक मिना दलामी, सदस्य असमिता थापा, उमा क्षेत्री, यमकला विक, प्रमा गिरी, विद्यार्थी विभागकी संम्झना विक, सांस्कृतिक विभागका अनुपा गिरी, बिषाका अम्बिका क्षेत्री, रेखा क्षेत्री, उमा क्षेत्री लगाएतको सहभागिता रहेको थियो।
कार्यक्रम अर्जुन कार्किको सञ्चालन तथा बेनिराम पुरीको अध्यक्षता र हरि केसीले स्वागत गर्नु भएको थियो।
