मेलवर्न । अस्ट्रेलियामा सवारी दुर्घटना हँुदा चितवनका तीन जनाको मृत्यु भएको बतताइएको छ । स्थानीय समाचारको अनुसार भिक्टोरिया राज्यको ग्रामीण क्षेत्र स्टोनलीमा भएको दुर्घटनामा चितवन घर भएका एकै परिवारका तीन जनाको मृत्यु भएको हो ।

कारका चालक ४१ वर्षीय एक पुरुष, ३१ वर्षीया एक महिला (आमा) र तीन वर्षीया एक बालक (छोरा) को दुर्घटनास्थलमै मृत्यु भएको हो । उनीहरूसँगै यात्रा गरिरहेकी एक वृद्धाको भने उपचार भइरहेको बताइएको छ ।

दुर्घटनापछि भिक्टोरियाका वाणिज्य दूत निराजन गौलीले निकै पिडादायक घट्ना घटेको बताएका छन् । एकै परिवारका तीन सदस्यको निधन भएको र एक जनाको उपचार भइरहेको उनले पुष्टि गरेका छन् ।