खुम रायमाझी, कुवेत ।
वैदेशिक रोजगारीका लागि कुवेत आएका अर्घाखाँचीको भूमिकास्थान नगरपालिका–८ नुवाकोट छेड़ाका छबिलाल पाण्डेको कोरोना संक्रमणबाट मृत्यु भएको छ।
३४ वर्षीय छबिलालको कुवेतको अल जाविर अस्पतालमा उपचारको क्रममा गत ९ जुनको मृत्यु भएपनि अस्पतालबाट सूचना ढिलो आउँदा (३० जुन) मंगलबार मात्र उनको कोरोनाबाट मृत्यु भएको नेपाली राजदूतावास कुवेतले थाहा पाएको थियो ।
भुमिकास्थान नगरपालिका नुवाकोट छेड़ाका चुरामणि पाण्डेका छोरा मृतक पाण्डे केही महिना यता देखि कुवेतमा ट्याक्सी चालकको रुपमा कार्यरत थिए । उनको घरमा एक छोरा र एक छोरी साथमा श्रीमती रहेका छन् ।
नेपाली राजदूतावास कुवेतले दिएको जानाकारी अनुसार मृतक पाण्डेको शवलाइ कुवेत सरकारको कानुनी प्रक्रिया अनुसार घरपरिवारको सहमतिमा बुधबार अन्तिम संस्कार गरिएको छ । अन्य कानुनी प्रक्रियाको लागि नेपाली राजदूतावास कुवेतले पहल गरिरहेको जनएको छ ।
पाण्डेको मृत्युको समाचार उनका घर परिवार र भुनपा ८ का वडा अध्यक्षको स्वीकृतमा सम्प्रेषण गरिएको हो ।
