काठमाडौँ । अनेरास्ववियु (छैठौँ)ले भैलोलाई सम्पन्न गर्न सहयोग गर्ने सम्पुर्ण कलाकार, प्युठानी जनता, सहयोगदाताहरूप्रती कृतज्ञता सहित अभिनन्दन गरेको छ । केन्द्रीय अध्यक्ष सुवास जिसीले एक धन्यवाद वक्तव्य जारी गरी सो कृतज्ञता सहित अभिनन्दन गरेका छन् ।
जिसीले स्थानीय पार्टी, स्वयंसेवक, सुरक्षाकर्मीहरू र देश तथा विदेशबाट देउसी भैलोलाई सामाजिक संजालबाट प्रोत्साहित गर्ने सम्पुर्ण साथीहरूमा समेत संगठनको तर्फबाट हार्दिक धन्यवाद र आभार प्रकट प्रकट गरेका छन् ।
धन्यवाद वक्तव्यमा लेखिएको छः
हाम्रो संगठनले गत २०८२ कार्तिक ०४ गतेदेखि ०८ गतेसम्म भैलो सञ्चालन गरेको थियो । प्युठान जिल्लाको मच्छी बजार, रिपापाखा, भ्यागुते, चुँधारा, खरिवोट, बाग्दुला, पुण्यखोला, शिवालय, चितिखोला, क्वाडी, खप्रेङ्खोला, गेजवाङ लगायतका क्षेत्रमा भैलो सञ्चालन भएको थियो । भैलोमा व्यापक जनसहभागिता रहेको थियो ।
भैलो “राष्ट्रियताको रक्षा गरौँ, आपसी सद्भाव, भाइचारा र वन्धुत्व बाँडौँ” भन्ने मुल नाराका साथ सम्पन्न भयो । गत भाद्र २३ गते भएको युवाहरूको आन्दोलन पछि देशको राजनैतिक परिस्थिति निकै कठिन मोड तिर प्रवेश गरेको छ। भाद्र २४ गतेको अराजकता र विध्वंसले एकातिर जनतामा डर त्रास पैदा गरेको छ भने अर्कोतिर देशको राष्ट्रियतामाथी गम्भीर प्रश्नहरू उब्जिएका छन् । यो स्थितिमा नेपाली जनताहरू वीचमा व्यापक एकताको आवस्यकता छ । हाम्रो संगठनले यो भैलोलाई आपसी सद्भाव र एकता कायम गर्ने माध्यमको रूपमा प्रयोग गरेको छ ।
भैलोलाई संगठनका अध्यक्षले नेतृत्व दिनुभएको थियो भने सचिव जीवन नेपालीले संयोजन गर्नुभएको थियो । भैलोमा रक्तिम सांस्कृतिक अभियानका केन्द्रीय महासचिव हेमराज आश्रम, केन्द्रीय सदस्य दिपक पन्थी लगायत स्थानीय कलाकारहरूको व्यापक सहभागिता रहेको थियो भने राष्ट्रिय जनमोर्चाका स्थानीय नेताहरूले सहयोग गर्नुभएको थियो । भैलोमा जनवादी, प्रगतिशील एवम् सांस्कृतिक प्रस्तुतिहरूको भव्य प्रदर्शन गरिएको थियो ।
हामीले हाम्रो संगठनको भैलोलाई सम्पन्न गर्न सहयोग गर्ने सम्पुर्ण कलाकार साथीहरू, सम्पुर्ण प्युठानी जनता र हामीलाई सहयोग गर्ने सहयोगदाताहरूप्रती हामी कृतज्ञता व्यक्त गर्दै अभिनन्दन गर्दछौँ । साथै स्थानीय पार्टीका साथीहरू, स्वयंसेवक साथीहरू, सुरक्षाकर्मी साथीहरू र देश तथा विदेशवाट हामीलाई सामाजिक संजालबाट प्रोत्साहित गर्ने सम्पुर्ण साथीहरूमा संगठनको तर्फवाट हार्दिक धन्यवाद र आभार प्रकट गर्दछौँ ।
