महेन्द्रनगर । राष्ट्रिय जनमोर्चा कञ्चनपुरले जिल्लामा रहेका क्वारेन्टिनको बेथितीप्रति पार्टीको ध्यानकर्षण भएको जनाएको छ । बुधबार बसेको राजमो जिल्ला समितिको बैठकले क्वारेन्टिनहरुको अनुगमन गर्ने र प्रमुख जिल्ला अधिकारीलाई ज्ञापन पत्र बुझाउने निर्णय गरेको छ ।
बैठकपछि अध्यक्ष रामबहादुर कार्कीद्वारा प्रेशित वक्तव्मयमा कोरोना महामारी रोकथाम तथा नियन्त्रणका लागि सरकारले गरेको क्वारेन्टिन सम्बन्धी व्यवस्था अत्यन्तै नराम्रो रहेको, स्वास्थ्यवद्र्धक वातावरण नभएको, एउटै शौचालय सबैले प्रयोग गर्नुपर्ने, एउटै कोठामा सबै कोचेर राखिएको, परीक्षण बिनानै घर पठाउने वा पोजेटिभ आएकालाई पनि घर पठाउने गरिएको उल्लेख छ ।
क्वारेन्टिन व्यवस्थापको जिम्मेवारी स्थानीय तहहरुलाई दिएर सरकार पन्छिएको भन्दै जिल्लामा रहेका विभिन्न क्वारेन्टिनको अनुगमन गर्ने र यही असार २८ गते सो विषयमा प्रमुख जिल्ला अधिकारीलाई ज्ञापन पत्र बुझाउने राजमोले जनाएको छ ।
यस्तै, राजमोले किसानलाई मल बीउको व्यवस्था मिलाउन तथा उत्तर दक्षिण जोड्ने सडकहरु छिटो निर्माण गर्न पनि दबाब दिएको छ ।
राजमो कञ्चनपुरले एमसीसीको विरोध र नागरिकता सम्बन्धी राष्ट्रहित विपरितका कदम सच्याउन एवं वैवाहिक अंगीकृतको सात वर्षे प्रवधानलाई दृढतापूर्वक लागू गर्न दबाब दिने जनाएको छ ।
