खिमराज चालिसे
चंडिगढ । भारतको चंडिगढमा मूल प्रवाह अखिल भारत नेपाली एकता समाज नगर समिति चंडिगढद्वारा सञ्चालित प्रगतिशील जनवादी देउसीभैलो अक्टुवर २३, २०२५ को समापन गरिएको छ ।
मूल प्रवाह चंडिगढले दुईबटा टिम सञ्चालन गरि जनताको घरदैलोमा गत २० अक्टुबरदेखि चार दिनसम्म खेलेको दुबैटिमको समापन कार्यक्रम अलग–अलग स्थानमा सम्पन्न गरिएको छ ।
टिम ‘ए’ को समापन समारोहलाई मूल प्रवाह सुदुर पश्चिमोत्तर क्षेत्रीय सहसचिव तेज बहादुर रोकाले धन्यवाद ज्ञापन सहित सम्वोधन गर्नुभएको थियो ।
कार्यक्रममा नगर उपाध्यक्ष प्रेम गुरुङ, विद्यार्थी केन्द्रीय सदस्य नारायण आचार्य, महिला नगर संयोजक जमुना खनाल, समता विभागका रामबहादुर नेपाली, सांस्कृतिक विभागका संदिप विक, वाल विभागका साहिल लगाएतले सम्वोधन गर्नुभएको थियो ।
कार्यक्रम राम पंथीको सञ्चालनमा तथा मान बहादुर केसीको अध्यक्षतामा सम्पन्न भएको हो।
