श्रीगंगानगर । मूल प्रवाह अखिल भारत नेपाली एकता समाजका महासचिव त्रिभुवन भट्टराईले देउसीभैलोलाई सांस्कृति रुपान्तरणको रुपमा लिनुपर्ने बताउनु भएको छ ।
भट्टराइले सुदुर पश्चिमोत्तर क्षेत्रीय समिति अन्तर्गत श्रीगंगानगर समितिद्वारा सञ्चालित देउसीभैलो उद्घाटन गर्दै सो धारणा राख्नुभएको हो ।
समाजमा व्याप्त पश्चिमा र छाडा सांस्कृति फैलिरहेको परिवेशमा भारतमा मूल प्रवाहले प्रगतिशिल देउसीभैलो कार्यक्रम अन्तर्गत देशमा रोजगारीको अभावका कारण प्रासिन वाध्य नेपालीहरूलाई भेटघाट गर्दै र देउसीभैलोलाई प्रगतिशील र सांस्कृति रुपान्तरणको रुपमा स्थापित गर्न जोड दिनुपर्ने भट्टराईले बताउनु भयो ।
नगर अध्यक्ष गिरुप्रसाद न्यौपानेको अध्यक्षता र प्रेम विकको संचालनबाट अगाडि बढेको सो देउसीभैलो कार्यक्रममा हुम बहादुर विक, निरज थापा, मोनु थापा
बिजय थापा, बसन्ता नेपाली, जागेस्वर न्यौपाने, सरस्वती न्यौपा, रामु नेपाली, आरती नेपाली, अमर नेपाली लगायतले आतिथ्यता गर्नुभएको थियो ।
कार्यक्रममा सहभागिहरूलाई चिन्तामणि भट्टराईले स्वागत गर्नुभएको थियो ।
